• $
  • €
  • ₽
  • ₺
  • £

Beynəlxalq yarmarkada Azərbaycan pavilyonu açılıb - FOTO

Beynəlxalq yarmarkada Azərbaycan pavilyonu açılıb - FOTO
30.11.2013 09:35

Fransa ilə Azərbaycan arasında əməkdaşlıq əlaqələri yüksək səviyyədə inkişaf edir.

Trend-in məlumatına görə, bu fikir noyabrın 29-da şəhər bələdiyyə idarəsində Reymsin meri xanım Adelin Hazanla Gəncə Şəhər İcra Hakimiyyətinin başçısı Elmar Vəliyevin görüşündə səslənib.

Görüş zamanı Reymslə Gəncə arasında əməkdaşlığın inkişaf perspektivləri barədə fikir mübadiləsi aparılıb.

E.Vəliyev Reymsdə təşkil olunan beynəlxalq yarmarkaya Gəncənin fəxri qonaq qismində dəvət edilməsinə və Gəncədə istehsal olunan məhsullara iki pavilyonun ayrılmasına görə, minnətdarlığını bildirmiş, pavilyonlarda Gəncə şərablarının, xalçalarının və dekorativ tətbiqi sənət nümunələrinin, nar və xurmaların nümayiş etdirildiyini, Azərbaycan şairəsi Məhsəti Gəncəvinin 900 illiyi münasibətilə Heydər Əliyev Fondu tərəfindən söz ustadının həyat və yaradıcılığına dair nəfis şəkildə çap olunan kitabların paylandığını diqqətə çatdırıb, hər iki şəhər arasında əlaqələrin gələcəkdə də inkişaf etdirilməsinin vacibliyini qeyd edib.

Adelin Hazan Fransa ilə Azərbaycan arasında siyasi, iqtisadi və mədəni sahələrdə yüksək əməkdaşlığın mövcud olduğunu vurğulayıb və şəhərlər arasında əlaqələrin inkişafında Reymsin maraqlı olduğunu bildirib.

Keçən ilin oktyabrında Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə "Qafqazın mirvarisi olan Azərbaycanın mədəni dəyərləri" layihəsinə dair tədbirlərin ilk dəfə Reymsdən başlamasını yüksək qiymətləndirən mer, Azərbaycanın birinci xanımı Mehriban Əliyevanın həmin tədbirlərdə iştirakını xatırladıb, yüksək səviyyədə və uğurla keçən tədbirlərin reymslilər arasında böyük əks-səda doğurduğunu bildirib, Məhsəti Gəncəvinin 900 illiyi ilə bağlı sərgi və konsertin məhz Reymsdən başladığını fəxrlə qeyd edib.

Noyabrın əvvəllərində Gəncədə təşkil edilən ikinci beynəlxalq üzüm və şərab festivalında Şampan-Ardenn regional şurasının sədri Jan-Pol Başının iştirak etdiyini xatırladan Elmar Vəliyev Reymsin merini 2014-cü ildə keçiriləcək festivala dəvət edib.

Görüşdən sonra Adelin Hazan beynəlxalq yarmarkada Gəncə məhsullarının nümayiş etdirildiyi pavilyonlarla tanış olub.

Xalçaçı rəssam Faiq Osmanov, dekorativ tətbiqi sənət ustası Vilayət Qurbanov və şərabçılıq mütəxəssisi Namiq Vəliyev nümayiş etdirdikləri məhsullar barədə merə ətraflı məlumat veriblər.

ANN.Az

Instagram
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol