• $
  • €
  • ₽
  • ₺
  • £

Moskvada Məmməd Arazın yubileyi keçirildi

Moskvada Məmməd Arazın yubileyi keçirildi
25.11.2013 20:02

Moskvanın Millətlər Evində Azərbaycanın Xalq Şairi Məmməd Arazın 80 illik yubileyinə həsr olunmuş gecə keçirilib. 

ANN.Az-ın AzərTAc-a istinadən verdiyi məlumat görə, Ümumrusiya Azərbaycan Konqresinin (ÜAK) Moskva vilayəti nümayəndəliyinin “Şəhriyar” Ədəbi-Mədəni Cəmiyyəti ilə birlikdə keçirdiyi tədbirdə Məmməd Araz poeziyasının pərəstişkarları, ölkəmizin Rusiyadakı səfirliyinin əməkdaşları, Moskva ədəbi dairələrinin və ictimaiyyətinin nümayəndələri iştirak ediblər.

Gecənin təşkilatçılarından biri, ÜAK-ın Moskva vilayəti üzrə nümayəndəliyinin rəhbəri Araz Mürsəliyev bildirib ki, Azərbaycan Prezidenti İlham Əliyevin Sərəncamına əsasən ədəbiyyatımızın görkəmli nümayəndəsinin 80 illik yubileyinin həm ölkəmizdə, həm də onun sərhədlərindən kənarda qeyd olunması böyük sənətkarın xatirəsinə ehtiramın və ümumxalq sevgisinin ifadəsidir. Böyük vətənpərvər şairimizin xatirəsinə və irsinə hörmətlə yanaşılması hər bir azərbaycanlı kimi, bizim də mənəvi borcudur.

Tədbirdə çıxış edən “Şəhriyar” Ədəbi-Mədəni Cəmiyyətinin sədri Vasif Məmmədov Məmməd Arazın həyat və yaradıcılığı barədə məlumat verib, onun dərin ictimai məzmunlu lirikasının böyük təsir gücündən danışıb.

“Şəhriyar” cəmiyyətinin üzvü, şair Sultan Mərcili çıxışında vurğulayıb ki, Məmməd Araz Azərbaycan tarixinin XX əsrdə baş verən sarsıntıları qarşısında büdrəməyərək həmişə öz ideallarına sadiq qalıb, xalqın arzu və istəklərini, ağrı-acılarını öz əsərlərində əks etdirməklə ona mənəvi dəstək olub.

Tanınmış rus şairi və tərcüməçisi Sergey Karatov təəssüf hissi ilə qeyd edib ki, müasir Azərbaycan poeziyasının bir çox görkəmli nümayəndələri ilə tanış olsa da, Məmməd Arazı şəxsən tanımaq xoşbəxtliyi ona nəsib olmayıb. Bununla belə, Məmməd Araz poeziyasının vurğunu olduğunu deyən S.Karatov, şairin yubileyi münasibətilə yazdığı şeiri oxuyub.

Rusiyada fəaliyyət göstərən “Dərviş” teatrının aktyoru Şirzad Pirallahı, hərbi vətənpərvərlik mövzusunda şeir və mahnıların tanınmış ifaçısı Şəmistan Əlizamanlı və başqalarının ifasında Məmməd Araz poeziyasından nümunələr və şeirlərinə yazılmış mahnılar səslənib. Moskva Dövlət Linqvistika Universitetinin müəllimi, professor Bella Musayevanın tələbəsi Yana Juravlyova Məmməd Arazın “Dünya sənin, dünya mənim” şeirini Azərbaycan dilində ifa edib.

Yubiley gecəsində xalq şairinin həyat və yaradıcılığında bəhs edən film nümayiş olunub.

ANN.Az

Twitter
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol