Milanda Azərbaycanın gənc rəssamlarının sərgisi keçiriləcək

Azərbaycanın İtaliyadakı səfirliyi, Milan Bələdiyyəsi, Milandakı Azərbaycan Mədəniyyət Assosiasiyası və “Dirçəliş” Gənclərin Sosial-Psixoloji Reabilitasiya Mərkəzinin birgə təşkilatçılığı ilə noyabrın 22-dən 29-dək Milan şəhərində “Chiesa Rossa” kitabxanasının binasında Azərbaycanın gənc rəssamlarının sərgisi keçiriləcəkdir. Sərgiyə, həmçinin Xarici İşlər, Mədəniyyət və Turizm nazirlikləri və “Azal-Azərbaycan” Qapalı Səhmdar Cəmiyyəti də təşkilati dəstək verir.“Dirçəliş” Gənclərin Sosial-Psixoloji Reabilitasiya Mərkəzindən AzərTAc-a bildirmişlər ki, sərgidə iştirak etmək üçün Azərbaycandan 19 nəfərdən ibarət nümayəndə heyəti noyabrın 22-dən 29-dək İtaliyada səfərdə olacaqdır.Sərgidə nümayiş etdirmək üçün 12 rəssamın 50 əsəri seçilmişdir. Onlardan Günay Bəylərovanın “Xocalı fəryadı”, Bəhriyyə Əliyevanın “Qızıl gül”, Aynur Əsədovanın “Azərbaycan süvenirləri”, Mehriban Mehdizadənin “Arşın mal alan“, Ayan Kərimovanın “Süsənlər”, Günay Mehdizadənin “Güllərin illüziyası”, Tatyana Quliyevanın “Köhnə Bakı”, Cəmilə Əliyevanın “Ortaq məxrəc”, Ləman Kərimovanın “Qara üzüm”, Azər Əsədovun “Qədim Bakı abidələri”, Ramal Kazımovun “Darıxdırıcı gün” və Kəmalə Kərimovanın “Taxta stolun üzərində meyvələr” adlı rəsmlərinin adını çəkmək olar.Sərgilənən əsərlər rəngkarlıq və qrafikanın müxtəlif istiqamətlərini əhatə edir. Lakin bütün bu əsərləri novatorluq, vətənə sevgi, həyata yeni baxış kimi cəhətlər birləşdirir.Təşkilatçılar sərginin İtaliya sənətsevərlərinin, rəssamların diqqətini cəlb edəcəyinə ümid bəslədiklərini, humanitar və mədəni əməkdaşlığın inkişafına təkan verəcəyinə, xarici dövlətlərin nümayəndələrinə mədəniyyətimiz, tariximiz və irsimiz haqqında geniş məlumat almağa imkan yaradacağına inandıqlarını bildirmişlər.Səfər müddətində Azərbaycanın gənc rəssamları Milan şəhərinin görməli yerlərinin eskizlərini və fotolarını çəkəcək, tarixi yerləri ziyarət edəcək, Venesiyada və İsveçrənin Cenevrə şəhərində olacaqlar.Sərginin sonunda rəssamlara səfirliyimiz tərəfindən sertifikat-plaketlər təqdim olunacaqdır.ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















