Tar Londonda "kəşf edildi"

“Buta” İncəsənət Mərkəzinin təşkilatçılığı ilə Londonda ikinci Beynəlxalq “Buta” Azərbaycan İncəsənəti Festivalı çərçivəsində “Tarın kəşf edilməsi” adlı konsert keçirilib.Londonun məşhur “Mərkəzi Vestminster” salonunda təşkil edilən gecədə diasporumuzun təmsilçiləri, yerli və xarici ictimaiyyətin nümayəndələri də daxil olmaqla xeyli sayda sənətsevər iştirak edib.“Buta” İncəsənət Mərkəzinin baş direktoru Nəsib Piriyev dünyada Azərbaycan mədəniyyətinin, musiqisinin və incəsənətinin özünəməxsus yeri olduğunu diqqətə çatdırıb.Milli musiqi alətimiz olan tarın tarixindən bəhs edən N.Piriyev, onun geniş səs diapazonuna və zəngin ifaçılıq imkanlarına malik alət olduğunu bildirib. Milli musiqi ifaçılığında həm solo, həm də müşayiətçi alət kimi istifadə edilir. Muğam sənətində tar aparıcı alətdir. Azərbaycan bəstəkarlarının yaradıcılığında bu alətdən geniş istifadə olunur.Azərbaycan musiqi sənətinin, beynəlxalq ictimaiyyət tərəfindən çox sevildiyini qeyd edən, N.Priyev tarix, mədəniyyət və incəsənətimizi yaxından tanımaq istəyənləri ölkəmizi ziyarət etməyə çağırıb.Daha sonra konsertdə azərbaycanlı sənətkarlar-Aslan Növrəsli, Munis Şərifov, Nurlan Növrəsli,Tərlan Növrəsli, Vüqar Şərifzadə, Çingiz Mustafayev və başqa musiqiçilərin ifasında tarın müşaiyəti ilə “Şur” muğamı, Azərbaycan xalq mahnıları və digər təsnif və muğamlarımız səsləndirilib.Konsertdə milli musiqi alətimiz tar ilə müasir musiqi alətlərinin vəhdəti dinləyicilərdə böyük maraq doğurub.Gecənin ikinci hissəsində Britaninayın məşhur “Royal Philharmonic Orchestra”sının ifasında “Bayatı Şiraz”, “Sarı Gəlin” və digər Azərbaycan xalq musiqisi numunələri, həmçinin Antonio Vivaldi kimi məşhur bəstəkarların repertuarlarından musiqilər səsləndirilib.//Anspress
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















