Məşhur ingilis aktyor: “Həyat tanrısız daha sadə, daha təmizdir”

"Tanrı qətiyyən hörmətə layiq deyil.
Elə ki onu bir kənara qoydun, həyat daha sadə, daha saf, təmiz, daha yaşamalı olur”.
İngiltərənin tanınmış komediya ustası Stephen Fry bunu ötən bazar axşamı RTE telekanalının "Həyatın mənası” proqramında söyləyib.
OxuZalı "Guardian”a istinadla xəbər verir ki, onun tanrı haqda dedikləri birmənalı qarşılanmayıb.
Proqramdan bir parça Youtuba da qoyulub. İndiyəcən ona 4 milyon adam baxıb. (Şərh hissəsi artıq bağlanıb)
Aktyor tanrını şər qüvvə adlandırıb.
Aparıcı ondan soruşub ki, əgər ölsəydi və tanrıyla üz-üzə gəlsəydi, ona nə deyərdi.
Fry-ın cavabı belə olub: "Soruşardım ki, bu qədər əzab-işgəncə olan (hansı ki bizim günahımızdan baş verməyib) dünyanı niyə yaratmısan? Axı bu düzgün deyil…
Bu qədər ədalətsizliyin olduğu dünyanı yaradan tanrı eqoistin biridir, biz hələ bir diz çöküb ona təşəkkür də etməliyik”.
Aktyor xərçəng xəstəliyinə tutulan, yaxud həşərat dişlədikdən sonra kor olan uşaqların əzablarını yada salaraq "axı tanrı bütün bunların olmadığı dünya da yarada bilərdi” – deyib.
Oxu Zalı
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















