Musiqili Teatrda “Əliqulu evlənir”

Azərbaycan Dövlət Musiqili Teatrında daha bir yeni tamaşanın məşqlərinə start verilib. Söhbət komediyaları ilə milyonlarla tamaşaçının ürəyini fəht etmiş Sabit Rəhmanın "Əliqulu evlənir” əsərindən gedir. Bu barədə teatrın Mətbuat Xidmətinin rəhbəri Samir Sədaqətoğlu məlumat verib. Səhnə əsərinə Azərbaycan Respublikasının Xalq artisti İlham Namiq Kamal quruluş verəcək. İlham Namiq Kamal eyni zamanda tamaşanın liberetto müəllifidir. "İlk növbədə yaratdığı yüksək yaradıcı şəraitə görə teatrımızın direktoru, Əməkdar incəsənət xadimi, sənətşünaslıq üzrə fəlsəfə dokturu Əliqismət Lalayevə təşəkkürümü bildirirəm. "Əliqulu evlənir” illər öncə yazılsa da, onda günümüzlə səsləşən bir çox məqamlar var. Mən bu əsərin liberottusunu işləyərkən bütün bunları nəzərə aldım və yeni bir iş ortaya çıxardım” deyə İlham Namiq Kamal bildirib.
Qeyd edək ki, tamaşaya musiqini Xalq artisti Oqtay Rəcəbov bəstələyib. Tamaşanın quruluşçu dirijoru Əməkdar incəsənət xadimi Nazim Hacıəlibəyov, quruluşçu rəssamı Nabat Səmədova, quruluşçu baletmeystrləri Yelena və Zakir Ağayevlər, xormeystri Vaqif Məstanovdur.
ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















