SSRİ-də qadağan olunmuş roman

20-ci əsr rus ədəbiyyatının klassiki, sovet quruluşu ilə barışmayıb Fransaya mühacirət etmiş Yevgeny Zamyatin-in "Biz" romanı Azərbaycan dilində çap olundu.
Roman SSRİ-də qadağan olunduğu üçün ilk dəfə 1920-ci ildə Londonda ingiliscə çapdan çıxıb.
Bundan sonra bir çox məşhur distopik əsərlər (Corc Oruellin "1984”ü, Oldos Hakslinin "Cəsur Yeni Dünya”sı, Rey Bredberinin "451 Faranheyt”i) Zamyatindən təsirlənərək yazılıb.
20-ci əsr - "Biz" əsridir. 20-ci əsr insanı dünyanı ideologiyalarla qavramağa, dolayısı ilə dəyişməyə çalışırdı.
Hər şey sürətlə "biz"ləşir və məcburən bəsitləşirdi. Sosial sözü dəbdə idi. Belə bir vaxtda yazıçının hər bir düşüncə və sənət adamı kimi borcu bu hakim paradiqmaya müxalif olmaq idi.
Zamyatin də bunlardan biri idi. Zamyatin "Biz"ə meydan oxudu və "mən"in, fərdin tərəfində yer aldı. O "Biz" əsərində insan ağlının mexanikləşdikcə sənəti, düşüncəni və ümumən insanı təhdid etdiyini göstərdi.
Lakin mexaniki ağılın anlamadığı, hesablaya bilmədiyi iki şey var. Ölüm və sevgi. "Biz" hər şeyi paylaşsa da ölümü və aşiq olmağı paylaşa bilmir.
Amma bütün ağıl maneələrinə, sərhədlərinə baxmayaraq baş qəhrəman bir qadına aşiq olur. Və bütün hadisələr bundan sonra başlayır, onu öz "mən”ini dərk etməyə, "biz"dən qopmağa təhrik edir.
Bu hər nə qədər sancılı olsa da ağlın nizamından bezən qəhrəman getdikcə individuallığına bağlanır. Sevdiyi üçün "keçmişdəki vəhşi insanlar" kimi qısqanır və sahib olmaq istəyir.
Müəllif oxucunu "biz"dən "mən"ə doğru, özünüdərkə aparır.
Oxu Zalı
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















