Gəncə teatrında "Dəli yığıncağı"nın premyerası

Gəncə Dövlət Dram Teatrında yeni tamaşanın məşqləri gedir.
"Report" xəbər verir ki, teatrda Cəlil Məmmədquluzadənin "Dəli yığıncağı" tragikomediyası əsasında yeni quruluşda tamaşa hazırlanır.
Əsərə teatrın baş rejissoru İradə Gözəlova quruluş verib. Tamaşada əsas rolları xalq artisti Pərvanə Qurbanova, əməkdar artistlər İlham Hüseynov, Elxan Abbasov, Ramiz Vəliyev, aktyorlar Salam İsmayılov, Sevda Orucova, Vasif İsmayılov və başqaları ifa edir.
Tamaşanın rəssamı Elnur Axundovdur. Əsərin premyerası mayda olacaq.
Cəlil Məmmədquluzadənin "Dəli yığıncağı” əsəri 1927-ci ildə yazılıb. Özünün ideya-məzmun xüsusiyyətləri, hadisələri, obrazları ilə pyes şərti, simvolik xarakterdədir. Əsas məsələ Şimali və Cənubi Azərbaycan, İran və bəzi başqa Şərq ölkələrindən gələn dini mövhumat və xurafatın cürətli, kəsərli ifşasıdır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















