"YUĞ" Teatrında yeni tamaşa

Mayın 15-də "YUĞ" Dövlət Teatrında gənc aktyor Kamal Yaşar "Sonluğun sonu" adlanan mono-tamaşasını yenidən tamaşaçılara nümayiş etdirəcək.
"Report" xəbər verir ki, mono-tamaşanın müəllifi Rövşən Ağayevdir.
Bir pərdəli monotamaşanın rejissoru və ifaçısı Mədəniyyət və İncəsənət Universitetinin Estrada aktyorluğu və rejissorluğu fakultəsinin məzunu Kamal Yaşardır.
Səhnə əsəri yaşlı bir kişinin dramını canlandırır. O, həyat yoldaşını itirib, övladları tərəfindən tərk olunub. Eyni zamanda bütün tanışları, yaxınları tərəfindən də unudulub. Bütün yaşamı dörd divarın arasında olan bu qoca artıq təklikdən dəlilik həddinə çatmaq üzrədir. O, ancaq xatirələrlə, bir zamanlar keçdiyi xoşbəxt günlərin xəyalı ilə yaşayır, evinin hər tərəfindən asdığı həyat yoldaşının şəkilləri ilə danışır. Bütün bunlar belə artıq onu təngə gətirib. Hər şeyin sona yaxınlaşdığını hiss edən qoca öz-özünə bütün etiraflarını edir və nəyi harada səhv etdiyini anlamağa çalışır. Ancaq bunlara da səbri yetmir və beləcə çarəsizlik, çıxılmazlıq girdabında çabalayan qoca "sonluğa” doğru yuvarlanır.
Tamaşanın ilk nümayişi Mədəniyyət və İncəsənət Universitetində olub.
Xatırladaq ki, Kamal Yaşar əməkdar artist Vidadi Həsənovun tələbəsidir.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















