Azərbaycan tarixi və mədəniyyətini əks etdirən sərgi

Koreya Beynəlxalq Əməkdaşlıq Agentliyi (KOICA) nəzdində fəaliyyət göstərən "KOICA Qlobal Kənd”ində İpək yolu ölkələri – Azərbaycan, Qırğızıstan və Özbəkistanın tarixi və mədəniyyətini əks etdirən sərginin açılış mərasimi keçirilib.
Azərbaycanın Seuldakı səfirliyindən "Report"a verilən məlumata görə, tədbirdə KOICA-nın prezidenti Kim Yonq-mok, Koreya parlamentinin üzvü Şim Yun-co, bu ölkənin Xarici İşlər Nazirliyinin İnkişaf Əməkdaşlığı Bürosunun (İdarə) baş direktoru Oh Yonqcu və digərləri iştirak ediblər.
Açılış mərasimində çıxış edən rəsmilər bu cür sərgi və təhsil proqramlarının təşkil edilməsinin ölkələrin coğrafi yerləşməsindən, dini mənsubiyyətindən və etiqadından asılı olmayaraq xalqlar arasında biliklərin artırılması, dostluq və mədəni münasibətlərin daha da gücləndirilməsi və əməkdaşlığın möhkəmləndirilməsi üçün yeni imkanlar yaradacağına əminliklərini bildiriblər.
Sərgi mərkəzində yaradılmış "Azərbaycan pavilyon”unda səfirlik tərəfindən təqdim olunan milli xalça nümunələri və ölkənin qədim xalça sənətinə dair kitablar, musiqi alətləri və milli qeyim nümunələri, miniatürlər və qədim abidələrə dair şəkillər nümayiş etdirilib.
2016-cı ilin iyun ayınadək davam edəcək sərginin keçirilməsinə əsas məqsəd Koreya vətəndaşları və KOICA-nın təlim proqramlarında iştirak edəcək xarici ölkə rəsmiləri və qonaqlarını Azərbaycan, Qırğızıstan və Özbəkistanın tarixi və mədəniyyəti barədə məlumatlandırmaqdır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















