Akademik Milli Dram Teatrı mövsümə yekun vurdu

Azərbaycan Dövlət Akademik Milli Dram Teatrı 142-ci teatr mövsümünə yeni hazırlanmış "Nağıllar aləmində” tamaşasının premyerası ilə yekun vurub.
"Report" xəbər verir ki, tamaşa xalq nağılları əsasında hazırlanıb.
Tamaşanın bədii rəhbəri İsrafil İsrafilov, quruluşçu rejissoru xalq artisti Bəsti Cəfərova, quruluşçu rəssamı İlham Elxanoğlu, musiqi tərtibatçısı Kamil İsmayılov, rəqslərin quruluşçusu Güney Əliyeva və Ülvi Həsənovdur.
Gənclərin iştirakı ilə hazırlanan tamaşada Güney Əliyeva (Meşə pərisi), Aygün Baxışlı (Ana keçi), Nigar Məmmədova (Sərçə), Fidan Cəfərova (Qırmızı papaq), Günel İmanova (Qoğal), Rəfiqə Məmmədova, Rəşad Bəxtiyarov (Baba, Tülkü), Adil Dəmirov (Məngül), Murad İsmayılov (Bəy), Ülvi Həsənov (Canavar) və Əlləz Əhmədov (Aşıq) iştirak edirlər. Bir hissəli nağıl tamaşanın xronometrajı 80 dəqiqədir.
Tamaşanın nümayişindən sonra xalq artisti Ramiz Novruz səhnəyə qalxaraq, sənət dostu Bəsti Cəfərovanı və tələbələrini təbrik edib. R.Novruz Azərbaycan teatrının səhnəsinə yeni istedadlı gənclərin gəldiyini bildirib.
Qeyd edək ki, tamaşada əsas rollardan birini xalq artisti Bəsti Cəfərovanın qızı Fidan Cəfərova oynayır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















