Arif Məlikov: "Müalicə olunuram"
29.05.2020 02:18
Azərbaycan və SSRİ-nin xalq artisti, əməkdar incəsənət xadimi, dünya şöhrətli bəstəkar Arif Məlikov Bakı yaxınlığındakı bağında dincəlir.
Bu barədə "Report"a A.Məlikov özü məlumat verib.
Bakıya sentyabrdan tez gəlməyəcəyini deyən bəstəkar yeni konsert proqramına hazırlaşır: "Hazırda bağdayam. Dincəlirəm, həm də müalicə alıram. Sentyabr ayında yeni güc, yeni həvəslə işə başlamaq istəyirəm. Sentyabrın 13-ü doğum günümdür. Ötən il bu münasibətlə filarmoniyada konsertim oldu. Bu il nə olacağını bilmirəm. Amma maraqlı konsert proqramını yenidən tamaşaçılara təqdim etmək yaxşı olardı".
A.Məlikov 82 yaşı olmasına baxmayaraq, özünü yaxşı hiss etdiyini deyib.
Xatırladaq ki, Arif Məlikov 1933-cü il sentyabrın 13-də Bakı şəhərində anadan olub. O, 1958-ci ildə Üzeyir Hacıbəyli adına Azərbaycan Dövlət Konservatoriyasını Qara Qarayevin bəstəkarlıq sinfi üzrə bitirib. Həmin ildən orada dərs deməyə başlayıb, hazırda orada professor və bəstəkarlıq kafedrasının müdiri kimi çalışır. Görkəmli türk şairi Nazim Hikmətin librettosu əsasında yazdığı ilk böyük əsəri - "Məhəbbət əfsanəsi" baleti Arif Məlikova dünya şöhrəti qazandırıb.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 
Foto
Video
