• $
  • €
  • ₽
  • ₺
  • £

Azərbaycana qarşı erməni təxribatı

Azərbaycana qarşı erməni təxribatı
29.05.2020 07:09
Çinin Uxan şəhərində yerləşən Mərkəzi Pedaqoji Universitetdə təşkil olunan beynəlxalq mədəniyyət festivalında erməni təxribatının qarşısı alınıb.
 
 
 
Anews.az AZƏRTAC-a istinadən xəbər verir ki, həmin universitetdə təhsil alan azərbaycanlı tələbələr ermənilərin işğal altındakı torpaqlarımızı Ermənistan ərazisi kimi göstərən xəritənin festivalda nümayiş olunacağını öyrəniblər. Tələbələrimiz bu barədə Azərbaycanın Çindəki səfirliyini məlumatlandırıblar. Diplomatik missiyamızın əməkdaşları festivalın təşkilat komitəsi ilə əlaqə yaradaraq, Dağlıq Qarabağ və ətrafdakı 7 rayonun Ermənistan silahlı qüvvələri tərəfindən işğal olunması, bu barədə beynəlxalq təşkilatların, o cümlədən Çinin də daimi üzvü olduğu BMT Təhlükəsizlik Şurasının müvafiq qətnamələri barədə məlumat verib, erməni tələbələrin təxribat xarakterli əməllərinə yol verilməməsinə çağırıblar.
 
 
Beləliklə, mayın 20-də keçirilən festival zamanı Ermənistan pavilyonunda həmin xəritə və bu kimi digər materialların nümayiş olunmasının qarşısı alınıb.
 
 
 
Azərbaycanlı tələbələr milli stendimizdə xalqımızın zəngin mədəniyyətinə, tarixinə, müasir inkişafına, turizm imkanlarına dair fotoşəkillər, kitab və jurnallar, milli geyimlər nümayiş etdiriblər. Bundan başqa, Bakıda keçirilən beynəlxalq tədbirlər və idman yarışları barədə əyani vəsaitlər, plakatlar da sərgilənib. Stendi ziyarət edənlər milli mətbəximizin nümunələrinin, habelə Azərbaycan istehsalı olan şərabların dadına baxıblar. Festivalın təşkilat komitəsinin qərarına əsasən, Azərbaycan pavilyonu "Ən yaxşı ölkə təqdimatı" nominasiyasında qalib olub.
 
 
Bundan başqa, ermənilər mayın 21-də Pekin Dillər və Mədəniyyət Universitetində təşkil olunan analoji festivalda da təxribata əl atıblar. Ermənistan pavilyonunda qondarma "Dağlıq Qarabağ Respublikası"nın bayrağının asıldığını görən tələbələrimiz Azərbaycan səfirliyini məlumatlandırıb. Səfirliyin operativ müdaxiləsindən sonra təşkilat komitəsi Ermənistan pavilyonundan bu ölkəyə aid olmayan bütün eksponatların, o cümlədən qondarma rejimin bayrağının yığışdırılmasını təmin edib.
 
 
Universitetin məsul işçisi Azərbaycan diplomatı ilə telefon danışığında baş vermiş hadisəyə görə üzrxahlıq edib, gələcəkdə bu cür halların təkrar olunmayacağını deyib.
www.anews.az
Youtube
Keçid et
Oxşar xəbərlər
Oxşar xəbərlər
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
Anews TV

Rəsmi Youtube kanalımız

Abunə ol