• $
  • €
  • ₽
  • ₺
  • £

Komitə sədri: Azərbaycanın ÜTT-yə daxil olmasına tələsməməliyik

Komitə sədri: Azərbaycanın ÜTT-yə daxil olmasına tələsməməliyik
22.09.2018 11:00
Əgər inkişaf etmiş ölkələr özləri Ümumdünya Ticarət Təşkilatının prinsiplərini ciddi surətdə pozurlarsa, o zaman  hansı əsaslarla və hansı məntiqlə Azərbaycanın ÜTT-yə daxil olmasını sürətləndirməyə çağırırlar?!

Bunu Oxu.Az-a açıqlamasında iqtisadçı millət vəkili, akademik Ziyad Səmədzadə deyib.

Millət vəkili qeyd edib ki, bu gün dünyada qloballaşma yaşanır:

"Ancaq eyni zamanda, qloballaşma ilə də milli suverenliklər arasında ziddiyyətlər dərinləşir.

Çünki milli-suveren dövlətlər dünyada hamı üçün eyni olan "vahid oyun qaydaları”ndan istifadəni məqsədəuyğun saymırlar.
 
Məsələn, bəzi beynəlxalq təşkilatların, iqtisad elmindən xəbəri olmayan bəzi "beynəlxalq ekspertlər”in bir çox tövsiyələri var ki, onlar milli iqtisadiyyatların əleyhinə, ziyanına işləyir.

Bu gün tam liberallaşmanın tərəfdarı olan ölkələr belə, Ümumdünya Ticarət  Təşkilatının (ÜTT) prinsiplərinə əməl etmirlər, onları ciddi şəkildə pozurlar. 

Nəyə görə? Ona görə ki, bu şəraitdə milli iqtisadiyyatlarının çətinliklərlə üzləşdiklərini görürlər.

Odur ki, əgər aparıcı,  inkişaf etmiş ölkələr ÜTT-nin prinsiplərini ciddi surətdə pozurlarsa, o zaman  hansı əsaslarla-hansı məntiqlə Azərbaycanın ÜTT-yə daxil olmasını sürətləndirməyə çağırırlar?!

Hesab edirəm ki, biz bu çağırışlara çox həssaslıqla, çox diqqətlə yanaşmalıyıq.

Ciddi elmi təhlillər, araşdırmalar aparmalıyıq.

Xüsusilə də, ölkə iqtisadiyyatının mühüm sahələrinin, daha çox qeyri-neft  sektorunun rəqabətliliyinin yüksəldilməsi ilə bağlı böyük işlərin görüldüyü bir şəraitdə çox ehtiyatla davranmalıyıq…”.
 
Bununla yanaşı, komitə sədri böyük potensiala malik olan Yaxın və Orta Şərq, Mərkəzi-Cənubi Asiya ölkələri ilə əməkdaşlığın gücləndirilməsi və dərinləşdirilməsinin vacibliyini dilə gətirib:

"Dünən Azərbaycan Parlamentinin 100 illik yubileyinə həsr olunmuş möhtəşəm təntənəli və xüsusi iclasda çox mühüm və əhəmiyyətli çıxışlar, çağırışlar oldu. Xüsusilə də, Şərq, Asiya ölkələrindən - Omandan, Misirdən, Hindistandan, Pakistandan, Səudiyyə Ərəbistanından, Küveytdən  və digər ölkələrdən gələn yüksək mandatlı şəxslər tərəfindən bu yöndə maraqlı təkliflər ortaya qoyuldu.

İndi heç bir çıxışı və çıxışçını kənarda qoymaq, birini digərindən ayırmaq  istəməzdim. Bütün çıxışlar bir-birindən maraqlı və regionumuz, bölgəmiz, bütövlükdə dünyamız üçün əhəmiyyətli idi. 

Bütün çıxışlarda qeyd etdiyim kimi, sülhə, təhlükəsizliyə, dostluğa, əməkdaşlığa çağırışlar səsləndirildi, Azərbaycanın, Milli Məclisin bu istiqamətdəki önəmli addımlarına,  geniş fəaliyyətinə diqqət çəkildi, örnək, nümunə göstərildi.

Bu baxımdan hesab edirəm ki, 100 illik yubiley tədbirində səsləndirilən fikirlər və təkliflər əməkdaşlıq əlaqələrinin gələcək inkişafında, qlobal və transmilli  layihələrin icrasında, həyata keçirilməsində, dünyamızda sülhün və təhlükəsizliyin təmin olunmasında mütləq öz müsbət  rolunu oynayacaq, müsbət töhfələrini verəcək.

Eyni zamanda,  Şərq, Asiya ölkələri ilə əməkdaşlığın gücləndirilməsi və dərinləşdirilməsi nəticəsində Azərbaycan iqtisadi inkişafının coğrafiyası müsbət mənada dəyişə bilər və dəyişəcək”.

www.anews.az
Facebook
Keçid et
Oxşar xəbərlər
Oxşar xəbərlər
İtaliyanın xarici işlər naziri Azərbaycana səfər edib
Siyasət 21:27
İtaliyanın xarici işlər naziri Azərbaycana səfər edib
Prezident İlham Əliyev ABŞ-nin daxili təhlükəsizlik nazirini qəbul edib
Siyasət 20:15
Prezident İlham Əliyev ABŞ-nin daxili təhlükəsizlik nazirini qəbul edib
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
Anews TV

Rəsmi Youtube kanalımız

Abunə ol