• $
  • €
  • ₽
  • ₺
  • £

Prezident çox ciddi islahatlara gedir

Prezident çox ciddi islahatlara gedir
18.02.2019 15:16
"2018-ci ilin aprelin 11-də keçirilən prezident seçkilərindən sonra ölkə başçısı tərəfindən Azərbaycanda çox ciddi iqtisadi, institutsional, siyasi islahatlara start verilib. Bununla bağlı da son zamanlar çox ciddi dəyişikliklərin həyata keçirilməsinə başlanılıb.  Bəzi qurumlar ləğv edildi, bəziləri birləşdirildi, kadr islahatları həyata keçirildi. Bu islahatlar hazırda da davam edir”.


Bunu Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov ölkə Prezidentinin həyata keçirdiyi islahatlara münasibət bildirərkən deyib. Deputatın sözlərinə görə, bu ilin əvvəlindən başlayaraq, ölkə başçısı yerlərdəki əhali ilə birbaşa ünsiyyətdə olur, onların problemləri ilə şəxsən maraqlanır və yerindəcə tapşırıqlar verir:

"Hesab edirəm ki, bu çox vacib amildir. Bundan əlavə, ölkə başçısı tərəfindən bu ilin əvvəlindən başlayaraq xüsusi əhəmiyyət kəsb edən fərman və sərəncamlar imzalanıb. Ölkə başçısının minimum əmək haqqının 130 manatdan 180 manata çatdırılması ilə bağlı sərəncamını çox yüksək qiymətləndirirəm. Belə ki, bu artım dövlət büdcəsindən maliyyələşən təşkilatlarda və özəl sektorda çalışan azı 600 min işçinin əmək haqqının artmasına imkan verəcək. Bu çox ciddi bir addımdır. Bundan əlavə, cənab Prezident tərəfindən şəhid ailələrinə olan münasibət, onlarla keçirdiyi görüşlər, uzun müddətdir ki, müzakirə edilən "qanpulu”nun  ödənilməsi və s. addımlar bir daha onu göstərdi ki, ölkə başçısı çox ciddi islahatlara gedir”.


V.Əhmədov qeyd edib ki, sabah-fevralın 19-da Prezidentin təşəbbüsü ilə Milli Məclisə daxil olan "Əmək pensiyaları haqqında” qanuna dəyişiklik müzakirə ediləcək:

"Bu çox ciddi bir dəyişiklikdir. Minimum pensiya məbləğinin artırılmasını özündə əks etdirən sənəd ümumilikdə 233 min pensiyaçını (o cümlədən, 140 min nəfər əlilliyə görə pensiya alan şəxsi) əhatə edəcək. Dəyişikliyə görə, əmək pensiyasının minimum məbləği 116 manatdan 160 manata çatdırılacaq. Onlardan 9 min nəfərin pensiyasında 93 faiz (75 manat), 26 min nəfərin pensiyasında 30 faiz (37 manat), 74 min nəfərin pensiyasında 16 faiz (27 manat) və s. artım özünü göstərəcək”.


Deputat bildirib ki, Prezident İlham Əliyevin qanunvericilik təşəbbüsü ilə "Əmanətlərin tam sığortalanması haqqında” Qanununda dəyişiklik edilməsi barədə layihə də Milli Məclisə daxil olub:

"Bildiyimiz kimi, əmanətlərin tam sığortalanması barədə qərar 2016-cı il martın 4-dən qüvvəyə minmişdi və bu il martın 4-də qüvvədə olma müddəti yekunlaşırdı. Amma ölkə başçısı tərəfindən humanist addım atılaraq bu qanun layihəsinin yenə də 1 il müddətə uzadılması barədə sənədi parlamentə göndərib.  Mən bir deputat kimi istərdim ki, bu qanun layihəsi 1 il müddətinə yox, 3 ilədək uzadılsın. Çünki 1 il az vaxtdır. Hesab edirəm ki, biz bu vaxt ərzində bank sistemində ciddi bir irəliləyişə nail ola bilmərik. Çünki bu qanunun qəbul edilməsi həm də bank sistemi üçün çox vacibdir. Ona görə ki, insanlar əmanətlərinə görə əmin olur, həm də bank sistemində nikbinlik təmin olunur, kapitallaşma artır. Çünki bank sisteminə gələn vəsaitin əsas hissəsini insanların əmanətləri təşkil edir. Bank sistemi də başa düşməlidir ki, belə bir addım atılıbsa, müəyyən qədər faiz dərəcələrini azaltmalıdırlar, insanlara kredit verən zaman onları incitməməlidirlər və daha çox güzəştlərə getməlidirlər”.


V. Əhmədov ölkə başçısı tərəfindən islahatların davam etdiriləcəyini bildirib: "Hesab edirəm ki, islahatlar davamlı olacaq”.

www.anews.az
Instagram
Keçid et
Oxşar xəbərlər
Oxşar xəbərlər
İtaliyanın xarici işlər naziri Azərbaycana səfər edib
Siyasət 21:27
İtaliyanın xarici işlər naziri Azərbaycana səfər edib
Prezident İlham Əliyev ABŞ-nin daxili təhlükəsizlik nazirini qəbul edib
Siyasət 20:15
Prezident İlham Əliyev ABŞ-nin daxili təhlükəsizlik nazirini qəbul edib
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
Anews TV

Rəsmi Youtube kanalımız

Abunə ol