• $
  • €
  • ₽
  • ₺
  • £

YAP-dan Əli İnsanovun ƏYAP təşəbbüsünə reaksiya: “Məqsəd partiyanı parçalamaqdır”

YAP-dan Əli İnsanovun ƏYAP təşəbbüsünə reaksiya: “Məqsəd partiyanı parçalamaqdır”
30.03.2019 13:11
"İnsanov təklənib və onun öz daxilində qurduğu siyasi illüziyalar tamamilə dağılıb”.

Bu fikirləri Yenicag.az-a açıqlamasında həbsdən yeni çıxmış keçmiş səhiyyə naziri Əli İnsanovun Ən Yeni Azərbaycan Partiyası (ƏYAP) yaratmaq təşəbbüsünə münasibət bildirən hakim Yeni Azərbaycan Partiyasından (YAP) millət vəkili Aydın Mirzəzadə deyib.

Aydın Mirzəzadənin sözlərinə görə, İnsanovun həbsdən çıxdıqdan sonra atdığı addımlar onun özünün əleyhinə işləyir:

"Bu, çox səhv bir təşəbbüsdür. Birincisi, Yeni Azərbaycan Partiyası var. Əli İnsanov vaxtilə korrupsiyada ittiham olunduğuna və partiyanın siyasi xəttinə zidd fəaliyyət göstərdiyinə görə təşkilatın sıralarından çıxarılıb.

O, YAP-da olarkən, partiya sıralarında təfriqə salmağa və Heydər Əliyev xəttinə zidd xəttin dəstəklənməsinə nail olmağa çalışırdı. Bunların hamısının qarşısı alındı.

İnsanov bu gün müəyyən qrup insanları öz ətrafına toplamağa, Azərbaycanı regionlara parçalamağa, özünün siyasi ambisiyalarını cəmiyyətə qəbul etdirməyə cəhd göstərir.

Amma onun həbsdən çıxmasından sonra vəziyyət göstərir ki, İnsanovu heç kəs dəstəkləmədi. Heç bir ictimai qurum və hər hansı tanınmış ziyalı İnsanovun yanında deyil. İnsanov təklənib və onun öz daxilində qurduğu siyasi illüziyalar tamamilə dağılıb. Onun baxışları Azərbaycanın inkişafının əleyhinə yönəlib.

Düzdür, o, qanunazidd olmayan baxışları təbliğ edə bilər. Ancaq bununla belə, cəmiyyət İnsanovu dəstəkləmir. Onun müxalifətdən ayrı-ayrı şəxsləri qoparmaqla özünə qrup yaratmaq cəhdi müxalifətdə də böyük narazılığa səbəb olub.

İnsanov YAP sıralarında olarkən apardığı fəaliyyət də ifşa olundu, siyasi məğlubiyyətə uğradı və həbsdən çıxdıqdan sonra atdığı addımlar, verdiyi bəyanatlar ilk növbədə onun özünün əleyhinə işlədi, növbəti siyasi məğlubiyyətə uğramasına səbəb oldu.

Onun yaratmaq istədiyi təşkilata o adı seçməsində məqsədi şübhəsiz ki, YAP-ı parçalamaq və partiya sıralarındakı müəyyən qüvvələri öz tərəfinə çəkməkdir.
 
Ancaq Yeni Azərbaycan Partiyasının heç bir üzvü Əli İnsanovun arxasınca getməyəcək. Yeni Azərbaycan Partiyası ulu öndər Heydər Əliyevin adı ilə yaranıb, Əli İnsanov isə ona qarşı çıxıb”.





www.anews.az
Twitter
Keçid et
Oxşar xəbərlər
Oxşar xəbərlər
İtaliyanın xarici işlər naziri Azərbaycana səfər edib
Siyasət 21:27
İtaliyanın xarici işlər naziri Azərbaycana səfər edib
Prezident İlham Əliyev ABŞ-nin daxili təhlükəsizlik nazirini qəbul edib
Siyasət 20:15
Prezident İlham Əliyev ABŞ-nin daxili təhlükəsizlik nazirini qəbul edib
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
Anews TV

Rəsmi Youtube kanalımız

Abunə ol