• $
  • €
  • ₽
  • ₺
  • £

Praqada Azərbaycan və Çexiya arasında siyasi məsləhətləşmələr keçirilib

Praqada Azərbaycan və Çexiya arasında siyasi məsləhətləşmələr keçirilib
27.06.2019 23:00
Praqada Azərbaycan və Çexiya Xarici İşlər Nazirlikləri arasında siyasi məsləhətləşmələr keçirilib.

Nazirlikdən Milli.Az-a verilən məlumata görə, məsləhətləşmələrdə Azərbaycan Respublikasının nümayəndə heyətinə Xarici İşlər nazirinin müavini Xələf Xələfov, Çexiya tərəfindən Xarici İşlər nazirinin müavinləri - Avropa ölkələri istiqamətinə məsul Aleş Xmelarj və çoxtərəfli diplomatiya məsələlərinə məsul Martin Poveyşil rəhbərlik edib.

Görüş əsnasında siyasi, iqtisadi, hərbi-texniki, humanitar və s. sahələrdə ikitərəfli münasibətlər, Azərbaycan-Avropa İttifaqı əlaqələri, ölkəmizdə gedən sosial-iqtisadi inkişaf, o cümlədən iki ölkə arasında regional, eləcə də BMT və digər beynəlxalq təşkilatlar çərçivəsində əməkdaşlıq münasibətiləri müzakirə edilib.

İki ölkə arasında siyasi-iqtisadi sahədə əlaqələrdən məmnunluğunu ifadə edən X.Xələfov dövlətlərimizin strateji tərəfdaş olduğunu və son dövrdə qarşılıqlı olaraq rəsmi səfərlərin və görüşlərin davamlı həyata keçirilməsinin bunun əyani sübutu olduğunu diqqətə çatdırıb.

X.Xələfov qarşı tərəfə Ermənistan-Azərbaycan Dağlıq Qarabağ münaqişəsi haqqında ətraflı məlumat verərək, münaqişənin sülh yolu ilə beynəlxalq hüququn norma və prinsipləri, Azərbaycanın beynəlxalq tanınmış sərhədləri çərçivəsində suverenliyi və ərazi bütövlüyü əsasında həll edilməsi məqsədilə ATƏT-in Minsk Qrupunun və beynəlxalq birliyin səylərinin artırılmasının zəruriliyini vurğulayıb. O, 2013-cü ildə Çexiyanın Deputatlar Palatasının Xarici Əlaqələr Komitəsinin Xocalı sakinlərinin qətliamına görə Ermənistanı pisləyən 219 nömrəli qərarına görə Çexiyaya təşəkkürünü bildirib.

Tərəflər Azərbaycan Respublikası Hökuməti və Çex Respublikası Hökuməti arasında iqtisadi, elmi-texniki və mədəni əməkdaşlıq üzrə Qarışıq Komissiyanın fəaliyyətindən məmnunluqlarını ifadə edərək, Komissiyanın növbəti iclasının cari ilin sonunda Praqada keçirilməsi və buna hər iki tərəfdən öncədən hazırlıq işlərinin aparılması barədə razılığa gəliblər. Eyni zamanda, Azərbaycan Respublikası Prezidenti cənab İlham Əliyevin 2019-cu ilin sonunda Çexiyaya səfərinin nəzərdə tutulduğu qeyd olunaraq, hər iki tərəfin onun uğurla həyata keçirilməsi üçün səylərinin artırılmasının vacibliyi vurğulanıb.

Çexiya tərəfi Azərbaycanla əlaqələrin kəsb etdiyi əhəmiyyətə toxunaraq qarşılıqlı səfərlərin iki ölkə arasında münasibətlərə təkan verdiyini vurğulamış, bu baxımdan həmin səfərlər çərçivəsində müqavilə-hüquq bazasının təkmilləşdirilməsinə münbit şəraitin yarandığını qeyd edib.

Həmçinin tərəflər qarşılıqlı maraq kəsb edən digər ikitərəfli və beynəlxalq mövzular ətrafında fikir mübadiləsi aparıblar. Görüşlər qarşılıqlı anlaşma şəraitində keçmiş, söhbətin sonunda Xarici İşlər nazirinin müavini Xələf Xələfov Çexiya Xarici İşlər nazirinin müavinləri Aleş Xmelarj və Martin Poveyşili Azərbaycana səfərə dəvət edib.

www.anews.az
Twitter
Keçid et
Oxşar xəbərlər
Oxşar xəbərlər
Prezident İlham Əliyev ABŞ-nin daxili təhlükəsizlik nazirini qəbul edib
Siyasət 20:15
Prezident İlham Əliyev ABŞ-nin daxili təhlükəsizlik nazirini qəbul edib
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Anews TV

Rəsmi Youtube kanalımız

Abunə ol