• $
  • €
  • ₽
  • ₺
  • £

İstanbulda Azərbaycana dəstək aksiyası

İstanbulda Azərbaycana dəstək aksiyası
26.07.2020 20:58
İyulun 26-da İstanbulun Bakırköy Azadlıq Meydanında Ermənistan silahlı qüvvələri tərəfindən Azərbaycanın Tovuz rayonu istiqamətində törədilən təxribatla bağlı etiraz aksiyası keçirilib.


Aksiya qardaş Türkiyədən Azərbaycana dəstək məqsədilə keçirilib. Aksiya "Maskanı tax, bayrağını al, aramıza qatıl" şüarı, Türkiyədə fəaliyyət göstərən Türk Dünyası Məclisi, "Hazarfem” Xəzər Folklor Tədris və Araşdırma Mərkəzi, Çayeli Dərnəklər Federasiyası (ÇAYDEF), Avcılar Əhlibeyt Platformu, Rize Dərnəklər Federasiyası, Dünya Yozqatlılar Konfederasiyası, Türkiyə Müstəqil Krım Dərnəkləri Platformu, İstanbul Yozgatlılar Federasiyası, "Gənc İradə" (GİD), "İsmail Gaspırali Krım Tədris və Mədəniyyət", "Bolqarıstan Türkləri", "Yozgat Sənayeçi və İş Adamları", "Türk Axivçilər", "İstanbul Qumukları", "Böyükçəkməcə Yozgatlılar", "Üsküdar Rizelilər" dərnəklərinin təşəbbüsü ilə keçirilib.


Aksiyada hər iki ölkənin şəhidlərinin xatirəsi bir dəqiqəlik sükutla yad edilib, Azərbaycanın və Türkiyənin Dövlət himnləri səsləndirilib.


Tədbirdə çıxış edən "Hazarfem"in rəhbəri Nuran Acar Ermənistanın Azərbaycana qarşı illərdir davam edən işğalçılıq siyasətindən bəhs edib, iyulun 12-dən başlayaraq Azərbaycanın Tovuz rayonu istiqamətində ölkəmizə qarşı törədilən hərbi təxribatlardan danışıb.


Türkiyənin qardaş Azərbaycana dəstəyinin qürurverici olduğunu bildirən çıxışçılar Azərbaycanın və Türkiyənin dövlət başçıları İlham Əliyev və Rəcəb Tayyib Ərdoğanın hər şəraitdə ölkələrimizin, eləcə də xalqlarımızın maraq və mənafelərini qarşılıqlı şəkildə müdafiə etdiklərini vurğulayıblar.


Mitinqdə Azərbaycanın ərazi bütövlüyünün bərpa olunması, erməni işğalına son qoyulması ilə bağlı şüarlar səsləndirilib.


Ermənistanın Azərbaycana qarşı təcavüzkar siyasətinin dərhal dayandırılması, işğalçı tərəfin hərbi qüvvələrinin BMT Təhlükəsizlik Şurasının və ATƏT-in qərar və qətnamələrinə uyğun olaraq Azərbaycan ərazisini tərk etməsi tələb olunub, son hadisələr zamanı Serbiyanın Ermənistana dəstəyi şiddətlə qınanıb.


Bildirilib ki, son günlər düşmənin davamlı hərbi təxribatlarının qarşısını qətiyyətlə alan Azərbaycan Ordusu işğal altındakı torpaqları düşməndən azad etmək iqtidarındadır.


Tədbirdə mediaya açıqlama verilib. Açıqlamada deyilir ki, yaxın günlərdə təcavüzkar Ermənistanın qardaş ölkə olan can Azərbaycana qarşı törətdiyi xain təxribatı qınamaq və bu hadisələr zamanı şəhid olan qardaşlarımızı anmaq üçün burada toplaşmışıq. Məqsədimiz burada toplanan qeyri-hökumət təşkilatları ilə qardaş ölkənin - Azərbaycanın tək olmadığını dünyaya bir daha çatdırmaqdır. Eşq olsun can Azərbaycana ki, belə igid və geniş ürəkli insanları var.

(Qaynarinfo)



www.anews.az
Twitter
Keçid et
Oxşar xəbərlər
Oxşar xəbərlər
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
Anews TV

Rəsmi Youtube kanalımız

Abunə ol