• $
  • €
  • ₽
  • ₺
  • £

Akardan Həftara xəbərdarlıq, Azərbaycana dəstək

Akardan Həftara xəbərdarlıq, Azərbaycana dəstək
27.12.2020 18:00
Cinayətkar Xəlifə Həftar və onun tərəfdarları bilməlidirlər ki, türk hərbçilərinə qarşı hər hansı hücum baş verərsə, onlar legitim hərbi məqsədə çevriləcəklər.

Anews.az "Anadolu” agentliyinə istinadən xəbər verir ki, bu barədə Türkiyənin milli müdafiə naziri Hulusi Akar Liviyanın şərqindəki qanunsuz silahlı qüvvələrin lideri Xəlifə Həftarın Türkiyəyə ünvanladığı bəyanatları şərh edərkən deyib.

"Həftar - hərbi cinayətkardır, qatildir. O və onun tərəfdarları bilməlidirlər ki, hər hansı bir türk hərbçisinə hücum edilərsə, legitim hərbi məqsədə çevriləcək. Ağıllarını başlarına yığmağı məsləhət görürəm”, - deyə nazir bildirib.  

Akar Azərbaycan, Liviya və Şimali Kipr kimi dost və qardaş ölkələrin təhlükəsizliyinin təmininə öz töhfəsini vermək üçün Türkiyə Silahlı Qüvvələrinin hər cür səy göstərdiyini xatırladıb. Nazir bildirib ki, Türkiyə ölkələrin, xüsusilə də öz qonşularının siyasi birliyinə və ərazi bütövlüyünə hörmət edir.

"Milli razılıq hökuməti Liviyada BMT tərəfindən tanınan yeganə legitim hökumətdir. Həftar və onun müttəfiqlərinin qanunsuz silahlı birləşmələri Liviyada əsas problem olaraq qalır”, - deyə Akar bildirib.  
Akarın sözlərinə görə, Həftarın hərbi cinayətlərinin ən bariz sübutu Liviyanın Tarhun şəhərində aşkar edilmiş 21 kütləvi məzarlıqdır. "Təəssüf ki, dünya ictimaiyyəti bu cinayətlərin qarşısında susmaqda davam edir”, - deyə Akar bildirib.  

Nazir xatırladıb ki, Türkiyə hərbçiləri iki ölkə arasında imzalanmış müdafiə əməkdaşlığı sazişi çərçivəsində Liviyadadırlar. Akar deyib ki, bu günə qədər üç minə yaxın liviyalı hərbçinin təhsili başa çatıb.
"Türkiyə birliyi, ölkənin ərazi bütövlüyünü təmin etmək üçün Liviyanın legitim hökumətini dəstəkləməkdə davam edəcək”, - deyə Akar bildirib.

Nazir, həmçinin Şərqi Aralıq dənizi regionundakı vəziyyətə toxunub: "Türkiyə bütün münaqişələrin mehriban qonşuluq və beynəlxalq hüquq prinsipləri əsasında siyasi yolla həllinə tərəfdardır”.

"Kipr münaqişəsinin həlli üçün Yunanıstan tərəfi inadkar mövqeyindən imtina etməli və Kipr türklərinin hüquqlarını tanımalıdır”, - deyə o bildirib

www.anews.az
Twitter
Keçid et
Oxşar xəbərlər
Oxşar xəbərlər
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Anews TV

Rəsmi Youtube kanalımız

Abunə ol