• $
  • €
  • ₽
  • ₺
  • £

Helikopter qəzasında şəhid olan hərbçilərdən neçəsi müharibə iştirakçısıdır?

Helikopter qəzasında şəhid olan hərbçilərdən neçəsi müharibə iştirakçısıdır?
02.12.2021 12:10
Noyabrın 30-u saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət” aviasiya poliqo­nunda təlim uçuşları yerinə yetirərkən qəzaya uğrayıb. Hadisə nəticəsində 14 nəfər həlak olub, 2 nəfər yaralanıb. 

Helikopter qəzasında şəhid olan Azərbaycan hərbçilərindən 7-si İkinci Qarabağ müharibəsində iştirak edib, orden və medallarla təltif olunublar. 

Polkovnik Fizuli Cavadov Vətən müharibəsi ilə bərabər Birinci Qarabağ müharibəsində də döyüşüb. Xidmət etdiyi dövrdə 13 orden və medalla təltif olunub. Müharibədə aktiv döyüş əməliyyatlarında iştirak edən polkovnik şəxsi igidlik və şücaət nümayiş etdirdiyinə görə Prezidentin sərəncamı ilə 3-cü dərəcəli "Vətənə xidmətə görə" ordeni ilə təltif olunub. 

Polkovnik Emil Nəzirov xidmət dövründə 13 medalla təltif olunub. Hər iki Qarabağ müharibəsində iştirak edib və dövlət başçısının sərəncamı ilə "Vətən uğrunda" medalı ilə təltif edilib. 

Mayor Murad Məmmədov xidmət dövründə əldə etdiyi yüksək nailiyyətlərə görə ümumilikdə 9 medalla təltif olunub. İkinci Qarabağ müharibəsində aktiv döyüş əməliyyatlarında iştirak edib. "Hərbi xidmətlərə görə” və "Cəbrayılın azad olunmasına görə” medalları ilə təltif olunub. 

Mayor Emil Mayılov xidmət dövründə əldə etdiyi yüksək nailiyyətlərə görə ümumilikdə 9 medalla təltif olunub. Şəhid mayor "Hərbi xidmətlərə görə” və "Kəlbəcərin azad olunmasına görə” medalları ilə təltif olunub. 

Mayor Emil Əliyev xidməti dövründə 9 medal alıb. İkinci Qarabağ müharibəsində iştirak edən mayor Əliyev "Hərbi xidmətlərə görə” və "Kəlbəcərin azad olunmasına görə” medalları ilə təltif olunub. 

Mayor Elmir Həsənov xidmət müddətində 7 orden və medalla təltif olunub. Mayor "Hərbi xidmətlərə görə” və 3-cü dərəcəli "Vətənə xidmətə görə" ordeni ilə təltif edilib.

Mayor Elbrus Əhmədov xidmət dövründə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən 5 medalla təltif olunub. 
Kapitan Cavid Bayramlı xidməti dövründə 3 medalla təltif olunub. İkinci Qarabağ müharibəsində aktiv döyüş əməliyyatlarında iştirak edib. "Hərbi xidmətlərə görə” və "Zəngilanın azad olunmasına görə” medalları ilə təltif olunub. 

Tibb xidməti kapitanı Ceyhun Əhmədxanov xidmət dövründə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən "Hərbi xidmətdə fərqlənməyə görə" III dərəcəli medalı ilə təltif edilib.

Kapitan Xəyyam Əliyev xidmət etdiyi dövrdə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən "Azərbaycan Sərhəd Mühafizəsinin 100 illiyi (1919-2019)”  medalı ilə təltif olunub. 

Kapitan Teymur Qaraisayev hərbi xidmət dövründə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən 4 medalla təltif olunub. 
Baş leytenant Fərid Nağıyev hərbi xidmət dövründə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən "Azərbaycan Sərhəd Mühafizəsinin 100 illiyi (1919-2019)”  medalı ilə təltif edilib.

Leytenant Abdulla Süleymanov hərbi xidmət dövründə əldə etdiyi yüksək nailiyyətlərə görə Dövlət Sərhəd Xidmətinin rəisi tərəfindən "Hərbi xidmətdə fərqlənməyə görə" III dərəcəli medalı ilə təltif edilib.

İşçi, ehtiyatda olan polkovnik Elçin Nəbiyev 2014-ci ildən Dövlət Sərhəd Xidmətində işə qəbul edilib. E.Nəbiyev xidməti dövründə əldə etdiyi yüksək nailiyyətlərə görə ümumilikdə 9 medalla təltif olunub.



www.anews.az
Twitter
Keçid et
Oxşar xəbərlər
Oxşar xəbərlər
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Tezliklə Vyetnamın Azərbaycanda səfirliyi açılacaq
Siyasət 12:38
Tezliklə Vyetnamın Azərbaycanda səfirliyi açılacaq
Azərbaycan Tbilisidəki partlayışla bağlı Gürcüstana başsağlığı verib
Siyasət 21:55
Azərbaycan Tbilisidəki partlayışla bağlı Gürcüstana başsağlığı verib
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Siyasət 21:08
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Anews TV

Rəsmi Youtube kanalımız

Abunə ol