• $
  • €
  • ₽
  • ₺
  • £

Azərbaycan rayonlarının adları niyə ermənicə yazılır?

Azərbaycan rayonlarının adları niyə ermənicə yazılır?
18.04.2022 15:37
Rusiya MN-nin saytında yayımlanan bülletendə Azərbaycan rayonlarının adı təhrif olunmuş formada göstərilib. Belə ki, Xocavənd, Ağdərə və Əsgəran inzibati ərazi vahidləri erməni dilində  müvafiq olaraq, "Martuni”, "Mardakert” və "Əsgəran” kimi qeyd edilib.
 
Rusiya MN xəbərdarlıq edilməsinə baxmayaraq bu səhvlər yenə təkrarlanır.
 
Məsələ ilə bağlı ehtiyatda olan polkovnik, hərbi ekspert Üzeyir Cəfərov bildirib ki, Azərbaycan Xarici İşlər Nazirliyi artıq Rusiyaya Nota verməlidir. 
 
"Bizdə bundan sonra onların şəhərlərinin adlarını müxtəlif adlarla deməliyik. Başqa-başqa adlarla yazsaq, bəlkə məsələ öz həllini tapar. Rusiya MN Azərbaycan bir şey etmədiyi halda Azərbaycan Silahlı Qüvvələrinin adlarını çəkir.  Rusiya sülhməramlıları orda heç bir iş görmürlər. Azərbaycan xalqının əsəbləri ilə oynayırlar. Bundan sonra mən təklf edirəm ki, Rusiyanın adları dəyişən şəhərlərini əvvəlki adları ilə deyək. Mətbuatda Sankt-Peterburq yerinə Leninqrad yazaq.  Azərbaycan yumşaqlıq göstərməməlidir", - eskpet bildirib. 
 
Beynəlxalq məsələlər üzrə mütəxəssis Əziz Əlibəyli bildirir ki, məqsəd Azərbaycanı qıcıqlandırmaqdır. 
 
"Bu ilk növbədə Rusiya Federasiyasının rəhbərinin fevralın  22-də  Azərbaycanla imzaladığı müttəfiqliq sazişinə hörmətsizlikdir.  Rusiya Ermənistana bildirir ki, sizin tərəfinizi tuturuq. Bu cür yanaşmaları təkcə sənədlərdə görmürük, bölgədə fəaliyyət göstərən separatçı qüvvələrin fəaliyyətində də müşahidə edirik. Eyni zamanda həmin bölgələ xidmətdə olan əsəgərlərimizin diqqətini yayındırmaq istəyirlər. Əsgərlərimiz Rusiya sülhməramlılarına atəş açsınlar, aranı qatmağımızı istəyirlər" , - Əlibəyli deyib. 
 
Sözügedən məsələ ilə bağlı Milli Məclisin deputatı Bəhruz Məhərrəmovun fikrincə, bu yanaşma Rusiya və Azərbaycan arasında müttəfiqlik münasibətlərinin xarakterinə uyğun deyil.
 
"Rusiyanın mövqeyini Rusiyanın Prezidenti ifadə edir və o, da dəfələrlə ölkəsinin Azərbaycanın ərazi bütövlüyünü tanıdığını rəsmən bəyan edib. 10 noyabr təslim aktı, Söçi prosesinin təşəbbüskarı da şəxsən Rusiya Prezidenti özüdür. Bu mənada Rusiya Müdafiə Nazirliyində bu mövqe Azərbaycandan çox Rusiya Prezidentinə qarşı yönələn təxribatdır. Aydındır ki, bu muzdla işləyən insanlar sadəcə sifarişləri icra edir. Təəssüf ki, Rusiya Müdafiə Nazirliyinin bülletenlərinin tərtib edilməsində də eyni sifarişlərin izləri görünür".
 
Deputat bildirir ki, Rusiya MN  bundan əvvəlki bütün məqsədli yanlışlıqların  hamısını düzəltməyə məcbur edilməlidir.
 
"Əgər bülletendə ifadələr Rusiyanın rəsmi mövqeyi olsaydı heç sonradan düzəliş də edilməzdi. Deməli, bu sadəcə düşünülmüş təxribatdır. Moskva ilə Bakı arasında süni gərginlik yaradılmasına xidmət edir. Digər tərəfdən Rusiyada hansısa bülleten redaktoru, yaxud buna cavabdeh general bundan sonra Fərruxu necə adlandırır adlandırsın, Fərrux bizdədir, Azərbaycan ordusunun nəzarətindədir, dünya da onu bizim ərazimiz kimi və bizim adlandırdığımız adla tanıyır. Necə ki, bundan öncəki addımlar Azərbaycanın mövqelərinə təsirini göstərə bilmədi, bundan sonra da heç kim bizə haqq işimizdə mane ola bilməz. Bu təxribatlar həm də onu sübut edir ki, həmin o qüvvələr qorxu və narahatlıq içindədir", - deputat bildirib.
 
 
 

 
Aytac Zeynalova







www.anews.az
Telegram
Keçid et
Oxşar xəbərlər
Oxşar xəbərlər
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
İlham Əliyev və To Lam geniş tərkibdə görüş keçirib
Siyasət 08:10
İlham Əliyev və To Lam geniş tərkibdə görüş keçirib
İlham Əliyevin Hanoyda rəsmi qarşılanma mərasimi keçirilib
Siyasət 08:03
İlham Əliyevin Hanoyda rəsmi qarşılanma mərasimi keçirilib
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Tezliklə Vyetnamın Azərbaycanda səfirliyi açılacaq
Siyasət 12:38
Tezliklə Vyetnamın Azərbaycanda səfirliyi açılacaq
Azərbaycan Tbilisidəki partlayışla bağlı Gürcüstana başsağlığı verib
Siyasət 21:55
Azərbaycan Tbilisidəki partlayışla bağlı Gürcüstana başsağlığı verib
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Siyasət 21:08
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Anews TV

Rəsmi Youtube kanalımız

Abunə ol