• $
  • €
  • ₽
  • ₺
  • £

"Qəbələ" klubu azarkeşlərin metro ilə qayıda bilməyəcəyini nəzərə almayıb

"Qəbələ" klubu azarkeşlərin metro ilə qayıda bilməyəcəyini nəzərə almayıb
17.09.2015 13:44
Fariz Nəcəfov: "Düzü, "Bakı Metropoliten"inə müraciət etməmişik

Bu gün Avropa Liqasının qrup mərhələsində "Qəbələ" və "Qarabağ" ilk oyunlarını keçirəcək. "Report"un məlumatına görə, "Qarabağ" İngiltərənin paytaxtı Londonda "Tottenhem"lə qarşılaşacağından, ölkə daxilində əsas azarkeş marağı "Qəbələ"nin Yunanıstan PAOK-u ilə keçirəcəyi görüşə yönəlib.

"Bakcell Arena"da keçiriləcək oyunun saat 22:00-da start götürəcəyini nəzərə alsaq, azarkeşlər matçdan sonra problemlə üzləşə bilər. Bakıda ən çox istifadə edilən ictimai nəqliyyat vasitəsi metro saat 00:00-dək fəaliyyət göstərir. Oyunun keçiriləcəyi stadiona ən yaxın metro stansiyaları "Xalqlar Dostluğu" və "Neftçilər"dir ki, bu da ən azı 10-15 dəqiqəlik məsafədə yerləşir. Yəni azarkeşlərin evə metro ilə qayıtmaq istəyi alınmayacaq. Nəticədə stadionu ya taksi ilə, ya gecə yarısı hərdən bir gələn avtobusla, ya dost-tanışa məxsus avtomobillərlə, ya da 10-15 dəqiqə tez tərk etmək lazım gələcək.

Tofiq Bəhramov adına Respublika Stadionunda milli komandanın oyunu keçirilən zaman "Bakı Metropoliteni" QSC iş qrafikini yarım saat və ya 1 saat müddətində artırır. Lakin bu gün iş qrafikinin artırılması planda yoxdur. Bu barədə "Report"a açıqlamasında "Bakı Metrpoliteni"nin mətbuat xidmətinin rəhbəri Nəsimi Paşayev bildirib.

Təbii ki, metropolitenin iş qrafikini müəyyən müddətə artırması üçün klub tərəfindən müraciət olunmalıdır. "Qəbələ"dən isə belə müraciət edilməyib. Klubun vitse-prezidenti Fariz Nəcəfov "Report"a açıqlamasında bu məqamı nəzərə almadıqlarını etiraf edib: "Düzü, "Bakı Metropoliten"inə müraciət etməmişik. Amma bu oyunda azarkeşlərin metroya çatmasında problem yaşanarsa, növbəti ev oyunumuzda bu amili nəzərə alacağıq".

Onu da qeyd edək ki, "Qəbələ" ikinci ev oyununu oktyabrın 22-də Almaniyanın "Borussiya" (Dortmund) klubuna qarşı keçirəcək. Görüş saat 20:00-da başlayacağından, matçdan sonra heç bir nəqliyyat problemi yaşanmayacaq. Lakin dekabrın 10-da keçiriləcək Rusiya "Krasnodar"ı ilə sonuncu ev oyunu yenə saat 22:00-da start götürəcək. Yəqin ki, dekabrın soyuğunda azarkeşlər nəzərə alınar...

www.ann.az
Instagram
Keçid et
Oxşar xəbərlər
Oxşar xəbərlər
“Neftçi” FIBA Avropa Kubokunda “Riqa”ya 55:96 hesabı ilə uduzub
İdman 23:39
“Neftçi” FIBA Avropa Kubokunda “Riqa”ya 55:96 hesabı ilə uduzub
Azərbaycanın U-20 millisi İraqla heç-heçə edib
İdman 21:23
Azərbaycanın U-20 millisi İraqla heç-heçə edib
“Kəpəz” – “Qarabağ” oyununun biletlərinə bir gündə 8400 satış qeydə alınıb
İdman 15:11
“Kəpəz” – “Qarabağ” oyununun biletlərinə bir gündə 8400 satış qeydə alınıb
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
İlham Əliyev FIFA U-15 Dünya Çempionatının finalını izləyib
İdman 19:49
İlham Əliyev FIFA U-15 Dünya Çempionatının finalını izləyib
Anews TV

Rəsmi Youtube kanalımız

Abunə ol