• $
  • €
  • ₽
  • ₺
  • £

"Monako" "Sent Etyen"dən daha güclüdür" – İlqar Qurbanov

"Monako" "Sent Etyen"dən daha güclüdür" – İlqar Qurbanov
20.10.2015 19:58
"Qarabağ" oktyabrın 22-də Avropa Liqasının qrup mərhələsində "Monako"nun qonağı olacaq. Ağdam klubunun futbolçusu İlqar Qurbanov oyun öncəsi Qol.Az saytının suallarını cavablandırıb.

- Premyer Liqanın son turunda "Zirə" ilə keçirilən oyun zamanı zədələnərək əvəzlənməli oldun. İndi durumun necədir?

- Hər şey qaydasındadı. Həkimlər bildirdi ki, vaxtında əvəzlənmişəm. Bir qədər də meydanda qalsam, əzələ yırtığı ola bilərdi. Yəqin ki, "Monako" ilə oyuna hazır olacam.

- Bu görüş haqda nə düşünürsən?

- Sözsüz ki, bizi çox çətin oyun gözləyir. Səfərdə oynayacağıq. Rəqibimiz Fransanın nəhəng klublarından biridir. Buna baxmayaraq, yaxşı oyun nümayiş etdirmək istəyirik. Səfərdən xal və ya xallarla qayıtmaq fikrimiz var.

- "Qarabağ" ötən mövsüm Avropa Liqasının qrup mərhələsində digər Fransa klubu "Sent Etyen"lə başabaş mübarizə apardı. "Sent Etyen"lə "Monako"nu necə müqayisə edərdin?

- Məncə, bu komandaları müqayisə etmək düzgün olmaz. Fransa çempionatında çıxış edən klublarının hər birinə qarşı oynamaq çətindir. Çünki onlar fiziki cəhətdən çox güclüdürlər.

- Yəni "Monako"nun daha güclü olduğunu düşünürsən?

- Sözsüz ki, "Monako" ilə oynamaq daha çətin olacaq.

- Ancaq rəqibinizin işi Fransa Liqasında heç də yaxşı getmir.

- Bu o demək deyil ki, "Monako" zəifləyib. Hər komandada belə hallar olur. İstənilən halda Monako səfəri bizim üçün çox ağır olacaq.

- Reynaldo, Maksim Medvedyev və Cavid Tağıyevin zədəli olması işinizi nə dərəcədə çətinləşdirəcək?

- Zədəlilərin olması normaldır. Çünki komandamız həm çempionatda, həm də Avroliqada yaxşı yer üçün mübarizə aparır. Milli komandalara da futbolçularımız gedir. "Qarabağ"da hər bir mövqedə bir-birini əvəz edəbiləcək futbolçular var. Heyətimiz genişdir. İnanıram ki, bu itkilər bizə problem yaratmayacaq.

- Cumbinyonun zədəsini sağaltması itkilərin olduğu bir vaxtda komandaya təsəllidirmi?

- Bəli, bu da sevindirici haldır. Cumbinyo "Qarabağ" üçün vacib oyunçudur. Yəqin ki, tezliklə ən yaxşı formasnda olacaq və komandaya əvvəlki kimi kömək edəcək.

- "Qarabağ" Fransaya hansı nəticə üçün gedir?

- Biz bütün qarşılaşmalara çıxanda əvvəlcə öz oyunumuzu sərgiləməyi düşünürük. Nəticəni isə meydanda fikirləşirik.  Öz oyunumuzu göstərə bilsək, yaxşı nəticə qazanacağıq.

- Qrupda çıxmaq üçün komandanın hər oyun üçün müəyyən hədəfləri olur...

- Düzdür, bizim də hər oyun üçün planlarımız var. Qeyd etdiyim kimi, Fransadan xal və ya xallarla qayıtmağı qarşıya məqsəd qoymuşuq.

www.ann.az
Twitter
Keçid et
Oxşar xəbərlər
Oxşar xəbərlər
“Neftçi” FIBA Avropa Kubokunda “Riqa”ya 55:96 hesabı ilə uduzub
İdman 23:39
“Neftçi” FIBA Avropa Kubokunda “Riqa”ya 55:96 hesabı ilə uduzub
Azərbaycanın U-20 millisi İraqla heç-heçə edib
İdman 21:23
Azərbaycanın U-20 millisi İraqla heç-heçə edib
“Kəpəz” – “Qarabağ” oyununun biletlərinə bir gündə 8400 satış qeydə alınıb
İdman 15:11
“Kəpəz” – “Qarabağ” oyununun biletlərinə bir gündə 8400 satış qeydə alınıb
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
İlham Əliyev FIFA U-15 Dünya Çempionatının finalını izləyib
İdman 19:49
İlham Əliyev FIFA U-15 Dünya Çempionatının finalını izləyib
Anews TV

Rəsmi Youtube kanalımız

Abunə ol

Son xəbərlər

Daha çox