• $
  • €
  • ₽
  • ₺
  • £

Ruslan Abışov: "Getdikcə hər şey daha da çətinləşir"

Ruslan Abışov: "Getdikcə hər şey daha da çətinləşir"
10.11.2015 09:37
"Qələbə qazanmaq istəyirdik. Bütün oyun üstünlüyümüz şəraitində keçdi. Yenə də hücum edən tərəf biz idik. Amma qol epizodlarından yararlana bilmədik. Məncə, artıq bu vəziyyətdən çıxmağın vaxtıdır. Getdikcə hər şey daha da çətinləşir. Amma inanırıq ki, milli komandaların oyunları ilə əlaqədar yaranan fasilədən sonra hər şey bizim üçün yaxşı olacaq.

"Report" xəbər verir ki, bu sözləri "Qəbələ"nin və Azərbaycan milli komandasının futbolçusu Ruslan Abışov noyabrın 9-da ölkə çempionatının 12-ci tur oyunundan sonra bildirib.

Futbolçu daha sonra jurnalistlərin suallarını cavablandırıb:

Belə vəziyyətə düşməyinizin səbəbi nədir: Komandada nə çatışmır?

- 90 dəqiqə hücumda oynayırıq. Nədənsə, qol vəziyyətlərindən yararlana bilmirik. Sanki komanda tilsimə düşüb, qol vurmaqda çətinlik çəkir. Məncə, psixoloji səddi keçmək lazımdır ki, qarşıdakı oyunlarda xal itirməyək.

"Qəbələ"nin ardıcıl xal itkisi baş məşqçi Roman Qriqorçukun Ukrayna millisinə gedəcəyinə dair xəbərlər çıxandan sonra başladı. Belə söz-söhbətlərin komandanızın oyununa təsiri varmı?

- Əvvəllər də bildirmişdim ki, heç birimiz o barədə fikirləşmirik. Baş məşqçimiz yanımızdadır, sonadək bizimlə birgədir. İnanıram ki, o, belə vəziyyətdə heç vaxt bizi qoyub getməyəcək.

Sergey Zenyovun zədələnməsi oyununuza nə dərəcədə təsir etdi?

- Əlbəttə, təsir etdi. Oyundan əvvəl hansı sistemlə oynayacağımız bilinirdi. Zenyovun vəzifəsi də məlum idi. Düzdür, Samir Zərgərov da yaxşı çıxış etdi. Deməzdim ki, Zenyovdan pis təsir bağışladı.

Son 2 oyunda qollar buraxırsınız. Müdafiə xətti barədə nə deyərdiniz?

- "Kəpəz"lə oyunda da əks-hücum nəticəsində qollar buraxmışdıq. Bugünkü görüşdə də rəqib bizi, demək olar ki, eyni vəziyyətdə yaxaladı. Amma futbolda belə şeylər olur. Əsas odur ki, səhvlərdən nəticə çıxaraq və qarşıdakı oyunlarda eyni hallara yol verməyək.

Xal itkisini yorğunluqla əlaqələndirmək olar?

- Deməzdim ki, yorğunluqla bağlıdır. Sadəcə, komanda üzərində psixoloji cəhətdən çətinlik var. Qol vurmaqda çətinlik çəkirik. Əvvəlcə bu səddi aşmaq lazımdır. Ardınca hər şey yoluna düşəcək.

Azərbaycan millisindən danışaq. Moldova ilə yoldaşlıq görüşü Bakı Olimpiya Stadionuna təyin olunub. Məgər bu oyuna nə qədər tamaşaçı gələcək ki, belə iri tutumlu arenada keçirilməsinə qərar verilib?

- Bakı Olimpiya Stadionunda oyun keçirmək yaxşı haldır. Amma bu barədə mənim fikir bildirməyim düzgün olmazdı. Artıq AFFA qərar verib. Hara təyin edilməsindən asılı olmayaraq, futbolçunun işi oyununu sərgiləməkdir.

www.ann.az
Facebook
Keçid et
Oxşar xəbərlər
Oxşar xəbərlər
“Neftçi” FIBA Avropa Kubokunda “Riqa”ya 55:96 hesabı ilə uduzub
İdman 23:39
“Neftçi” FIBA Avropa Kubokunda “Riqa”ya 55:96 hesabı ilə uduzub
Azərbaycanın U-20 millisi İraqla heç-heçə edib
İdman 21:23
Azərbaycanın U-20 millisi İraqla heç-heçə edib
“Kəpəz” – “Qarabağ” oyununun biletlərinə bir gündə 8400 satış qeydə alınıb
İdman 15:11
“Kəpəz” – “Qarabağ” oyununun biletlərinə bir gündə 8400 satış qeydə alınıb
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
İlham Əliyev FIFA U-15 Dünya Çempionatının finalını izləyib
İdman 19:49
İlham Əliyev FIFA U-15 Dünya Çempionatının finalını izləyib
Anews TV

Rəsmi Youtube kanalımız

Abunə ol

Son xəbərlər

Daha çox