• $
  • €
  • ₽
  • ₺
  • £

Putin Ukrayna ilə danışıqlara hazırdır - Peskov

Putin Ukrayna ilə danışıqlara hazırdır - Peskov
25.02.2022 17:09
Vladimir Putin Ukrayna ilə danışıqlar aparmaq üçün Minskə Rusiya nümayəndə heyətini göndərməyə hazırdır, bunu Kreml mətbuat katibi Dmitri Peskov deyib.

Onun sözlərinə görə, Rusiya nümayəndə heyətinə Müdafiə Nazirliyi, Xarici İşlər Nazirliyi və Kreml administrasiyasının nümayəndələri daxil olacaq.

"Zelenski Ukraynanın neytral statusunu müzakirə etməyə hazır olduğunu açıqlayıb. Əvvəlcə Rusiya Prezidenti Vladimir Putin bildirib ki, əməliyyatın məqsədi LXR və DXR-ə kömək etmək, o cümlədən Ukraynanın demilitarizasiyası və denazifikasiyasıdır. Əslində bu, neytral statusun tərkib hissəsidir”, - deyə o, izah edib.
 
Fevralın 24-də Rusiya Prezidenti Vladimir Putin rusiyalılara müraciətdə Donbasda xüsusi əməliyyat keçirilməsi barədə qərar qəbul etdiyini bildirib.

O qeyd edib ki, kim kənardan bu prosesə qarışsa, cavabı sərt olacaq.

"Bu prosesə qarışan olsa tarixində görmədiyi cavabı alacaq. Bunun üçün artıq bütün qərarlar qəbul edilib. Biz hadisələrin istənilən inkişafına hazırıq. Ümid edirəm ki, məni eşitdiniz!", - deyə o bildirib.

Dünəndən etibarən Ukraynanın bir neçə şəhərində insanlar metro stansiyalarından sığınacaq kimi istifadə edir. Ukraynanın paytaxtı Kiyevdə komendant saatı, eləcə də hava hücumu barədə xəbərdarlıq elan edilib. Dövlət qurumları insanları bombalara qarşı  sığınacaqlarda yerləşməyə çağırıb.
 
Hava hücumu barədə xəbərdarlıq həmçinin Lvovda elan olunub. Paytaxt Kiyevi tərk edən xarici ölkə səfirliklərinin xeyli hissəsi məhz bu şəhərə köçüb.

Bir qədər öncə Ukrayna Prezidenti Vladimir Zelenskinin ofisinin rəhbəri Mixail Podolyak Kiyevin  Rusiya ilə danışıqlara hazır olduğunu demişdi. 

"Əgər danışıqlar mümkündürsə, onları aparmaq lazımdır. Əgər Moskvada desələr ki, danışıqlar, o cümlədən neytral status barədə, aparmaq istəyirlər, biz bundan qorxmuruq. Biz bu barədə də danışa bilərik", - Podolyak Reuters-ə deyib.

Bu arada İtaliyanın Baş naziri Mario Draqi bildirib ki, Zelenski  ilə onun 1,5 saat əvvəl nəzərdə tutulan telefon danışığı bəlli olmayan səbəbdən baş tutmayıb. 
 
Ləman Qasımova

www.anews.az
Twitter
Keçid et
Oxşar xəbərlər
Oxşar xəbərlər
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
В Азербайджане впервые пройдет чемпионат Европы по баскетболу
Dünya 18:02
В Азербайджане впервые пройдет чемпионат Европы по баскетболу
SEPAH: Qeşm adası üzərində ABŞ-yə məxsus PUA vurulub
Dünya 17:47
SEPAH: Qeşm adası üzərində ABŞ-yə məxsus PUA vurulub
Ermənistan sabah TRIPP layihəsinin başlanmasını rəsmən elan edəcək
Dünya 17:11
Ermənistan sabah TRIPP layihəsinin başlanmasını rəsmən elan edəcək
Fransanın keçmiş baş naziri prezident seçkilərinə qatılacaq
Dünya 23:51
Fransanın keçmiş baş naziri prezident seçkilərinə qatılacaq
Aİ Ukraynaya 1 milyard avro həcmində hərbi yardım ayırıb
Dünya 22:53
Aİ Ukraynaya 1 milyard avro həcmində hərbi yardım ayırıb
Tramp Putin və Si Cinpinlə görüşünü “üçlük sammiti” adlandırıb
Dünya 22:43
Tramp Putin və Si Cinpinlə görüşünü “üçlük sammiti” adlandırıb
İranda Qəşm şəhəri yaxınlığına raket düşüb
Dünya 21:58
İranda Qəşm şəhəri yaxınlığına raket düşüb
Estoniyanın müvəqqəti işlər vəkili Rusiya XİN-ə çağırılıb
Dünya 21:30
Estoniyanın müvəqqəti işlər vəkili Rusiya XİN-ə çağırılıb
Anews TV

Rəsmi Youtube kanalımız

Abunə ol