• $
  • €
  • ₽
  • ₺
  • £

Rusiyada iqtisadiyyat 8,4% azala, inflyasiya isə 22,7%-ə kimi arta bilər

Rusiyada iqtisadiyyat 8,4% azala, inflyasiya isə 22,7%-ə kimi arta bilər
08.04.2022 15:21
2022-ci ildə Rusiyada  Ümumi daxili məhsul istehsalı təxminən 8,4% azalacaq, inflyasiya isə 22,7% ola bilər. Bu, aparıcı investisiya şirkətləri, banklar və beyin mərkəzləri analitiklərinin sorğusu əsasında "İnterfaks”ın tərtib etdiyi əsas makroindikatorlar üzrə konsensus proqnozunun məlumatlarıdır.

İqtisadçılar hələ də hesab edirlər ki, Rusiya iqtisadiyyatında tənəzzül cəmi bir il davam edəcək və 2023-cü ildə cüzi artım başlaya bilər.

2022-ci ilin sonunda iqtisadçılar sənaye istehsalının 8,2% azalacağını, 2023-cü ildə isə artımın 3,3% olacağını gözləyirlər.

Martda pərakəndə dövriyyə, ayın əvvəlindəki tələsik tələb fonunda, konsensusa görə, fevralda 5,9% artdıqdan sonra illik ifadədə 9,1% artacaq.

2022-ci ilin sonunda analitiklər pərakəndə ticarətin 9% azalacağını, 2023-cü ildə isə 2,9% artacağını proqnozlaşdırır.

Konsensusa əsasən, əsas kapitala investisiyaların azalmasının 2022-ci ildə 13,2% səviyyəsində olacağı, ardınca isə 2023-cü ildə 3,2% artım olacağı gözlənilir.

Analitiklər 2022-ci ildə Rusiyanın ÜDM-nin 8,4%  azalacağını deyir (fevralın əvvəlində aparılan sorğuya əsasən, 2,5% artım gözlənilirdi). Eyni zamanda, 2022-ci il üçün ÜDM-in azalması ilə bağlı təxminlərin diapazonu 6,0-13% arasıdır.

Martda analitiklər inflyasiyanın 2021-ci ilin martındakı 0,66%-ə qarşı 7,6% (1999-cu ilin yanvarından bəri ən yüksək göstəricidir) səviyyəsində olacağını gözləyirlər. Bu, martda illik inflyasiyanın fevralın sonundakı 9,15%-dən təqribən 16,7%-ə (2015-ci ilin martından bəri ən yüksək göstərici) qədər artması deməkdir.

Konsensusa görə, 2022-ci il üçün inflyasiya üzrə  proqnoz 22,7% (təxminlər 19%-dən 26%-ə qədər), 2023-cü il üçün 8,6% təşkil edir.

2022-ci ilin sonunda uçot dərəcəsi  üzrə gözləntilər orta hesabla 14,5% (12% -dən 20% -ə qədər), 2023-cü ilin sonunda - 9,25% olacağı bildirilir.

2022-ci ilin sonunda dollar üçün konsensus proqnozu 92 rubl, avro üçün 101,7 rubl təşkil edir. 

2022-ci ilin sonuna Rusiya Federasiyasında işsizlik səviyyəsi, fevraldakı 4,1%-dən ilin sonuna 6,9%-ə  kimi yüksələ bilər (bu, müşahidələr tarixində ən aşağı göstəricidir), 2023-cü ilin sonuna qədər isə bu göstəricinin  6,0% olacağı proqnozlaşdırılır. 

2022-ci ildə Rusiya Federasiyası əhalisinin real gəlirləri, proqnoza görə, 8,5% azala bilər, 2023-cü ildə  isə 1,9% arta bilər.

Sorğuda Alfa-Bank, VTB Capital, VEB, ING, İqtisadi Siyasət İnstitutu, Renaissance Capital, SberCIB, Sinara investisiya bankı, Uralsib analitikləri iştirak edib.


N.Təbrizli

www.anews.az
Instagram
Keçid et
Oxşar xəbərlər
Oxşar xəbərlər
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
В Азербайджане впервые пройдет чемпионат Европы по баскетболу
Dünya 18:02
В Азербайджане впервые пройдет чемпионат Европы по баскетболу
SEPAH: Qeşm adası üzərində ABŞ-yə məxsus PUA vurulub
Dünya 17:47
SEPAH: Qeşm adası üzərində ABŞ-yə məxsus PUA vurulub
Ermənistan sabah TRIPP layihəsinin başlanmasını rəsmən elan edəcək
Dünya 17:11
Ermənistan sabah TRIPP layihəsinin başlanmasını rəsmən elan edəcək
Fransanın keçmiş baş naziri prezident seçkilərinə qatılacaq
Dünya 23:51
Fransanın keçmiş baş naziri prezident seçkilərinə qatılacaq
Aİ Ukraynaya 1 milyard avro həcmində hərbi yardım ayırıb
Dünya 22:53
Aİ Ukraynaya 1 milyard avro həcmində hərbi yardım ayırıb
Tramp Putin və Si Cinpinlə görüşünü “üçlük sammiti” adlandırıb
Dünya 22:43
Tramp Putin və Si Cinpinlə görüşünü “üçlük sammiti” adlandırıb
İranda Qəşm şəhəri yaxınlığına raket düşüb
Dünya 21:58
İranda Qəşm şəhəri yaxınlığına raket düşüb
Estoniyanın müvəqqəti işlər vəkili Rusiya XİN-ə çağırılıb
Dünya 21:30
Estoniyanın müvəqqəti işlər vəkili Rusiya XİN-ə çağırılıb
Anews TV

Rəsmi Youtube kanalımız

Abunə ol