• $
  • €
  • ₽
  • ₺
  • £

İranda hökumət əleyhinə nümayişlərə görə ilk edam icra edilib

İranda hökumət əleyhinə nümayişlərə görə ilk edam icra edilib
08.12.2022 16:02
İran hökumətə qarşı son iğtişaşlara görə mühakimə olunan etirazçının ilk edamını elan edib. Bu barədə "BBC News" məlumat verib. 
 
Möhsün Şekari İnqilab Məhkəməsi tərəfindən "Allaha qarşı düşmənçilik"də təqsirli bilindikdən sonra cümə axşamı səhər edam edilib.
 
O, sentyabrda Tehranda əsas yolu bağlayan və yarımhərbi qüvvələrin bir üzvünü pala ilə yaralayan "iğtişaşçı” olmaqda günahlandırılıb.
Fəallardan biri deyib ki, o, "heç bir qanuni proses olmadan nümayiş etdirilən məhkəmə"dən sonra məhkum edilib.
 
Norveçdə yaşayan İran İnsan Haqları təşkilatının direktoru Mahmud Amiri-Moghaddam Tvitter hesabında, İran hakimiyyəti "beynəlxalq miqyasda sürətli praktik nəticələrlə" üzləşməsə, etirazçıların edamlarının hər gün həyata keçiriləcəyini yazıb.
 
Ədliyyə orqanlarının Mizan xəbər agentliyinin xəbərinə görə, İnqilab Məhkəməsinə Möhsün Şəkərinin sentyabrın 25-də Tehranın Səttar Xan küçəsini bağladığı və etirazları yatırtmaq üçün tez-tez yerləşdirilən könüllü hərbiləşdirilmiş qüvvələrdən ibarət Bəsic Müqavimət Qüvvələrinin üzvünə bıçaqla hücum etdiyi bildirilib.
 
Mizan bildirib ki, noyabrın 1-də məhkəmə Şəkərini "öldürmək, terror törətmək və cəmiyyətin nizamını və təhlükəsizliyini pozmaq məqsədi ilə döyüşməkdə və silah çəkməkdə" və onu "Allaha qarşı düşmənçilik"də təqsirli bilib.
 
O, hökmdən apellyasiya şikayəti verib, lakin noyabrın 20-də Ali Məhkəmə onu qüvvədə saxlayıb.

Ədliyyə indiyədək etirazlarla bağlı daha 10 nəfərin "Allaha düşmənçilik" və ya "Yer üzündə korrupsiya" ittihamı ilə İnqilab Məhkəmələri tərəfindən edam cəzasına məhkum edildiyini açıqlayıb. Təqsirləndirilən şəxslərin kimliyi isə açıqlanmayıb.
 
"Amnesty International” bildirib ki, ölüm hökmləri "xalq üsyanını daha da sıxışdırmaq" və "ictimaiyyət arasında qorxu yaratmaq" üçün nəzərdə tutulub.
 
"İnqilab Məhkəmələri qısa və əsasən gizli proseslərlə qeyd olunan kobud ədalətsiz məhkəmə proseslərindən sonra ağır cəzalar vermək üçün təhlükəsizlik və kəşfiyyat qüvvələrinin təsiri altında fəaliyyət göstərib", -əlavə edib.
 
İranın ruhani idarəsinə qarşı etirazlar sentyabrın ortalarında, hicabını "nalayiq şəkildə" geyindiyi iddiası ilə əxlaq polisi tərəfindən saxlanılan 22 yaşlı Məhsa Amini adlı qadının həbsdə ölməsindən sonra başlayıb.
 
Qadınların rəhbərlik etdiyi etirazlar ölkənin 31 vilayətinin hamısından 160 şəhərə yayılıb və 1979-cu il inqilabından sonra İslam Respublikasına qarşı ən ciddi çağırışlardan biri kimi qiymətləndirilir.
 
İran liderləri onları ölkənin xarici düşmənləri tərəfindən qızışdırılan "iğtişaşlar” kimi qələmə verib və təhlükəsizlik qüvvələrinə onlarla "qətiyyətli davranmağı” əmr edib.
 
Hüquq Müdafiəçilərinin Xəbər Agentliyinin (HRANA) məlumatına görə, indiyədək ən azı 475 etirazçı öldürülüb, 18 240 nəfər saxlanılıb. O, həmçinin 61 təhlükəsizlik əməkdaşının öldüyünü bildirib.
 
Lida Abbaslı

www.anews.az
Facebook
Keçid et
Oxşar xəbərlər
Oxşar xəbərlər
Rumıniya səfiri Rusiya XİN-ə çağırılıb
Dünya 17:45
Rumıniya səfiri Rusiya XİN-ə çağırılıb
Ermənistan Rusiyaya yeni səfir təyin edib
Dünya 16:48
Ermənistan Rusiyaya yeni səfir təyin edib
Ağ Evin kibertəhlükəsizlik üzrə rəhbəri dəyişdiriləcək
Dünya 12:06
Ağ Evin kibertəhlükəsizlik üzrə rəhbəri dəyişdiriləcək
Putin Çindən Tacikistana yola düşüb
Dünya 18:37
Putin Çindən Tacikistana yola düşüb
Hörmüz boğazında üç neft tankerində yanğın baş verib
Dünya 15:04
Hörmüz boğazında üç neft tankerində yanğın baş verib
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Cəmiyyət 14:54
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Si Cinpin: Böyük dövlətlər arasında qarşıdurma dünyanı xaosa sürükləyir
Dünya 13:29
Si Cinpin: Böyük dövlətlər arasında qarşıdurma dünyanı xaosa sürükləyir
Putin, Tramp və Si Cinpin arasında ilk üçtərəfli görüş başlayıb
Dünya 13:13
Putin, Tramp və Si Cinpin arasında ilk üçtərəfli görüş başlayıb
Tramp və Si Cinpin arasında görüş başlayıb
Dünya 11:41
Tramp və Si Cinpin arasında görüş başlayıb
Anews TV

Rəsmi Youtube kanalımız

Abunə ol