• $
  • €
  • ₽
  • ₺
  • £

Moldovada yeni növ koronavirusa ilk yoluxma halı aşkarlanıb

Moldovada yeni növ koronavirusa ilk yoluxma halı aşkarlanıb
17.01.2023 14:56
Moldovada yeni növ "kraken" (XBB.1.5) koronavirusuna ilk yoluxma halları təsdiqlənib. Bu barədə ölkənin Milli İctimai Səhiyyə Agentliyi məlumat yayıb.

Agentliyin məlumatına görə, Kişinyovdan olan iki kişidə və Dubosardan olan bir qadında yeni növ koronavirus aşkarlanıb.

Agentlik nümayəndələri vətəndaşlara xəstəliyin ilk əlamətləri görünəndə dərhal həkimə müraciət etməyi, əllərini tez-tez yumağı, insanların çox olduğu yerlərdən uzaq durmağı, ictimai nəqliyyatda və bağlı ictimai yerlərdə maska ​​taxmağı, koronavirusa qarşı peyvənd olunmağı tövsiyə edib.

Agentliyin məlumatına görə, yeni növ koronavirusun yayılma sürətinin artması çox güman ki, "kraken"in immunitet sisteminin müdafiəsindən yayınma qabiliyyəti ilə bağlıdır və yaradılmış peyvəndlərin əksəriyyəti buna cavab verməyə bilər.

Kraken ilk dəfə 2022 ci il oktyabrın 22- də ABŞ-da müəyyən edilib.  Virus dünyanın 30 ölkəsində aşkarlanıb. ABŞ, Avropa və Çində aktiv şəkildə görünən koronavirusun yeni ştamının əvvəlkilərdən daha sürətli yayılması narahatlıq doğurur.
 
Mütəxəssislər bu virusun peyvənd edilənlər arasında daha az yayıldığını bildirirlər. XBB.1.5-in əlamətləri yüksək hərarət, titrətmə, öskürək, nəfəs almaqda çətinlik, baş, boğaz və əzələ ağrıları, burun tıxanıqlığı, dad və ya qoxu itkisidir.
 
 
Dünyada COVID-19-a yoluxanların sayında artım müşahidə edilsə də, Azərbaycanda  vəziyyət stabildir. Bəzi ölkələrdə sürətlə yayılan Omikron ştamının altvariantı olan Krakenə Azərbaycanda hələlik rast gəlinməyib.
 
Ölkəyə koronavirusun bütün ştamlarını, o cümlədən Krakeni aşkarlaya bilən 450 ədəd test gətirilib. Bu barədə İcbari Tibbi Sığorta üzrə Dövlət Agentliyi mediaya məlumat verib.

Digər ştamlarda olduğu kimi, XXB.1.5-dən də qorunma yolları eynidir. Nazirlər Kabineti yanında Operativ Qərargahın son qərarına əsasən, 2022-ci il mayın 1-dən etibarən Azərbaycanda xüsusi karantin rejimində tənəffüs yollarını qoruyan fərdi vasitələrdən (tibbi maska, parça maska, respirator və sair) istifadə tələbi ləğv olunsa da, dünyadakı epidemioloji vəziyyəti nəzərə alaraq mütəxəssislər qapalı məkanlarda və insanların sıx toplaşdığı yerlərdə tibbi maskadan istifadəni, gündəlik gigiyena qaydalarına əməl etməyi tövsiyə olunub.

Dövlət Statistika Komitəsinin aylıq hesabatına əsasən, 2022-ci ilin yanvar-noyabrında  ölkədə 17,6 milyon ədəd maska istehsal edilib. Hazırda Azərbaycanda olan maska ehtiyatı 5,7 milyon ədəddir.

Aytac Zeynalova


www.anews.az
Facebook
Keçid et
Oxşar xəbərlər
Oxşar xəbərlər
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Anews TV

Rəsmi Youtube kanalımız

Abunə ol