• $
  • €
  • ₽
  • ₺
  • £

BMT Sudana humanitar yardım edilmәsi bağlı çağırış edib

BMT Sudana humanitar yardım edilmәsi bağlı çağırış edib
18.05.2023 18:00
Birləşmiş Millətlər Təşkilatı Sudandakı böhrandan zərər çəkənlərin humanitar ehtiyaclarını ödəmək üçün təxminən 2,6 milyard dollara ehtiyac olduğunu açıqlayıb. Bu barədə BMT-nin Cenevrədəki ofisində keçirilən mətbuat konfransında bildirilib.


BMT-nin Humanitar Məsələlərin Əlaqələndirilməsi Ofisinin Cenevrədəki nümayəndəsi Rameş Rajasingam aprelin 15-də Sudanda başlayan münaqişələrin milyonlarla insanın həyatına mənfi təsir etdiyinə diqqət çəkib.
 
"Sudandakı insanların səhiyyə xidmətlərindən istifadə etmək imkanı yoxdur. Bir milyona yaxın sudanlı məcburi köçkün vəziyyətinə düşüb və qonşu ölkələrə köçüb. Bu gün ölkədə yaşayan  25 milyon insanın humanitar yardıma və müdafiəyə ehtiyacı var. Bu gün işə saldığımız müdaxilə planı bu reallığı əks etdirir”, -Rameş Rajasingam deyib.
 
BMT-nin Qaçqınlar üzrə Ali Komissarının əməliyyatlar üzrə müavini Rauf Mazou da Sudandakı günahsız insanların humanitar ehtiyaclarının ödənilməsi ilə əlaqədar imkanı olan ölkələrə çağırış edib.

"Bu gün biz 6 ayda bir milyondan çox insanın əsas ehtiyaclarına cavab vermək üçün təxminən 472 milyon dollarlıq yardım çağırışına start verdik'', - Rauf Mazou qeyd edib.
 
BMT münaqişə səbəbindən Sudanda ərzaq təhlükəsizliyinin kəskin zəifləyərək rekord səviyyəyə çatacağını proqnozlaşdırır. Proqnozlara görə, bu, 19 milyon insana – ölkə əhalisinin 40 faizinə təsir göstərəcək. Ölkədə silahlı toqquşmaların başladığı dövrdən bəri ərzağın qiyməti xeyli artıb. Əgər fermerlər may-iyul ayları ərzində əsas kənd təsərrüfatı məhsullarının əkinini həyata keçirə bilməsələr, qiymətlər daha çox bahalaşacaq.

Təhlükəsizliklə bağlı vəziyyət fonunda Sudandakı fəaliyyətini dayandıran BMT-nin Ümumdünya Ərzaq Proqramı ötən həftə yenidən işə başladıqdan sonra 35 mindən çox insanı lazımi ərzaqla təmin edib. Təşkilat yaxın aylarda fövqəladə yardımın miqyasını 4,9 milyon nəfərə çatdırmağı hədəfləyir.
 
Sudanda vəziyyət 2022-ci ilin oktyabrından Suveren Şuraya rəhbərlik edən ordu komandanı Əbdül-Fəttah əl-Burhan ilə onun Şuradakı müavini olan çevik reaksiya qüvvələrinin rəhbəri Məhəmməd Həmdan Daqalo arasında fikir ayrılığı səbəbindən gərginləşib. İki hərbi struktur arasındakı əsas ziddiyyətlər ölkənin vahid silahlı qüvvələrinin formalaşdırılmasının vaxtı və üsulları, eləcə də orduda kimin baş komandan olması ilə bağlıdır. Aprelin 15-də tərəflər arasında silahlı münaqişə başlayıb.
 
Birləşmiş Millətlər Təşkilatının (BMT) rəqəmləri indiyədək münaqişədə ən azı 676 nəfərin öldüyünü, 5575 nəfərin yaralandığını açıqlayıb. 
 
Eltac Nurullazadə

www.anews.az
 
Youtube
Keçid et
Oxşar xəbərlər
Oxşar xəbərlər
Böyük vədlərlə başlamaq istəməzdim - ilk açıqlama
Cəmiyyət 13:24
Böyük vədlərlə başlamaq istəməzdim - ilk açıqlama
Media və Yayım Şurası jurnalistlər üçün müsabiqə elan edib
Cəmiyyət 12:53
Media və Yayım Şurası jurnalistlər üçün müsabiqə elan edib
Sabah 21 dərəcə isti olacaq
Cəmiyyət 12:51
Sabah 21 dərəcə isti olacaq
Milli Məclisin növbəti iclasının vaxtı və gündəliyi açıqlanıb
Cəmiyyət 12:22
Milli Məclisin növbəti iclasının vaxtı və gündəliyi açıqlanıb
Media və Yayım Şurasının müsabiqə qaydaları dəyişir
Cəmiyyət 12:19
Media və Yayım Şurasının müsabiqə qaydaları dəyişir
Almaniyadan gələn nəqliyyat vasitəsində bəyan edilməyən mallar aşkarlanıb
Cəmiyyət 11:57
Almaniyadan gələn nəqliyyat vasitəsində bəyan edilməyən mallar aşkarlanıb
Cinayətdə şübhəli bilinən 78 nəfər saxlanılıb
Cəmiyyət 10:58
Cinayətdə şübhəli bilinən 78 nəfər saxlanılıb
Bu hal aşkarlanarsa, mediaya maliyyə yardımı kəsiləcək
Cəmiyyət 10:39
Bu hal aşkarlanarsa, mediaya maliyyə yardımı kəsiləcək
Gürcüstanda matəm elan olunub
Cəmiyyət 10:12
Gürcüstanda matəm elan olunub
Anews TV

Rəsmi Youtube kanalımız

Abunə ol