Son bir gündə 56 cinayətin üstü açılıb

Son sutka ərzində ölkə üzrə 56 cinayətin üstü açılıb. Bu barədə Daxili İşlər Nazirliyindən bildirilib. 

Axtarışda olan 111 nəfər, o cümlədən borclu şəxs qismində axtarılan 84 nəfər saxlanılaraq aidiyyəti üzrə təhvil verilib.

Bildirilib ki, əməliyyatlar zamanı narkotiklərlə bağlı 27 fakt, qanunsuz silah-sursatla əlaqədar isə 16 fakt aşkarlanıb.

Cinayət törətməkdə şübhəli bilinən 69 nəfər saxlanılıb.

Gülnar Nazimqızı