Azərbaycana gətirilən 293,4 kq şokoladlı meyvə məhsulu məhv edilib

İspaniyadan Azərbaycana idxal olunan 293,4 kiloqram dondurulmuş şokoladlı meyvə məhsulunda uyğunsuzluq aşkarlanıb.
Bu barədə Azərbaycan Qida Təhlükəsizliyi Agentliyi (AQTA) məlumat yayıb.
Məhsuldan götürülən nümunələrin laborator müayinəsi zamanı partiyada kif və maya göbələklərinin miqdarının normaya uyğun olmadığı müəyyən edilib.
İstehlaka yararsız məhsulun ölkədən çıxarılması, məhv edilməsi və ya utilizasiyası barədə qərar qəbul olunub. Sahibkarın müraciəti əsasında məhsul partiyası məhv edilib.
























