• $
  • €
  • ₽
  • ₺
  • £

Mərkəzi Bank FED-dən nə gözləyirdi? – Ekspert rəyi

Mərkəzi Bank FED-dən nə gözləyirdi? – Ekspert rəyi
17.06.2016 17:10
ABŞ-ın Federal Ehtiyatlar Sistemi ötən həftə dolların uçot dərəcəsini dəyişməyərək, 0,25-0,5% səviyyəsində saxlayıb. Amma FED rəhbərliyi bu il uçot dərəcəsinin artırılacağını da istisna etməyib.

Azərbaycan Mərkəzi Bankı FED-in uçot dərəcəsini dəyişməməsinə münasibət bildirib:

"ABŞ Federal Ehtiyat Sisteminin (FED) qəbul etdiyi qərar gözlənildiyi kimi olmayıb. FED-in uçot dərəcəsinin dəyişməməsi ölkəmizin valyuta bazarına gözlənti kimi psixoloji təsir edə bilərdi ki, bunun da iqtisadi əsası yoxdur. Azərbaycan Mərkəzi Bankının elan etdiyi yeni məzənnə rejiminə uyğun olaraq ABŞ dollarının manata nəzərən məzənnəsi valyuta bazarındakı tələb-təklif nisbətindən asılı olaraq formalaşır. Xarici valyuta bazarındakı tələb-təklif nisbəti isə əsasən tədiyə balansının vəziyyətindən, yəni ölkəyə daxil olan və ölkədən çıxan xarici valyutanın həcmi ilə yanaşı büdcə ehtiyacları üçün neft transferlərinin satışından asılıdır”.

Mərkəzi Bankın belə açıqlama verməsinin əsas səbəbi nədir? Dolların uçot dərəcəsinin dəyişməsi Mərkəzi Bankın xeyrinədirmi?

Bu sualları ANN.Az-a iqtisadçı ekspertlər Fikrət Yusifov  və Qalib Toğrul şərh ediblər.
 

Fikrət Yusifov

Sabiq maliyyə naziri Fikrət Yusifovun fikrincə, Mərkəzi Bankın bu açıqlamasından görünür ki, onlar FED-in toplantısından uçot dərəcəsinin qaldırılacağını gözləyirmiş: "Mərkəzi Bankın Federal Ehtiyat Sisteminin iyun ayının 14-15-də keçirilən toplantısında qəbul edilən qərara münasibəti bir o qədər aydın deyil. Açıqlamadan belə başa düşülür ki, Mərkəzi Bank ABŞ Federal Ehtiyat Sisteminin bu toplantısında uçot dərəcəsinin qaldırılacağını gözləyirmiş. Halbuki bu toplantı ərəfəsində dəfələrlə bəyan olunmuşdu ki, uçot dərəcəsində artım makroiqtisadi göstəricilər üzrə bütün gözləntilər yerinə yetirildiyi halda mümkün olacaq. FED-in toplantının yekununda yaydığı bəyanatda bu göstəricilərin bəziləri üzrə gözləntilərin doğrulmadığı və bəzi göstəricilər üzrə nəticələrin kifayət qədər kövrək olması səbəbindən yaxın aylarda uçot dərəcəsinin artırılması gözlənilən olmadığı bildirildi”.
 

Qalib Toğrul

İqtisadçı ekspert Qalib Toğrul Mərkəzi Bankın FED-in qərarı ilə bağlı rəsmi şəkildə belə bir açıqlama verməsini etik hesab etmir: "Əgər Mərkəzi Bank deyirsə ki, manatın kursunun dollardan heç bir asılılığı yoxdur, bu əslində doğru deyil. Faktiki olaraq özünü inkar etməkdir. Manatın məzənnəsi üzən məzənnə əsasında müəyyən edilirsə, o zaman FED-in dolların möhkəmlənməsi ilə  bağlı qərarı bütün üzən məzənnə rejimi olan dövlətlərin valyutasına təsir etdiyi kimi, manata da təsir göstərməli idi. Ümumiyyətlə dolların möhkəmlənməsi neftin qiymətinin düşməsi deməkdir. Belə bir qərar olsaydı, neftin qiymətinin enməsi tendensiyası da davam edəcəkdi. İndiki durumda real iqtisadi faktorlar manatın məzənnəsinə təsir etmir. Bu sırf inzibati metodlarla həyata keçirilir”. 

Xatırladaq ki, FED-in növbəti iclası iyulun 26-27-də keçiriləcək.


www.ann.az
Instagram
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol