Naxçıvanda aktiv ƏDV ödəyicilərinin sayı 13 %-ə yaxın artıb

Bu il iyulun 1-nə Naxçıvan Muxtar Respublikasında aktiv vergi ödəyicilərinin sayı ötən ilin eyni dövrü ilə müqayisədə 13 % artaraq 21 282 olub.

Bu barədə İqtisadiyyat Nazirliyi yanında Dövlət Vergi Xidməti məlumat yayıb.

Məlumata görə, il ərzində aktiv ƏDV ödəyicilərinin sayı 12,5 % artaraq 576-ya, aktiv təsərrüfat subyektlərinin (obyektlərinin) sayı 6,8 % artaraq 6 050-yə çatıb.