Əməkdar artist Ənvər Həsənovun 65 illiyinə həsr olunmuş yubiley tədbiri keçirilib

C.Cabbarlı adına "Azərbaycanfilm” kinostudiyasında Azərbaycanın əməkdar artisti Ənvər Həsənovun 65 illiyi münasibəti ilə yubiley tədbiri keçirilib.
Kinostudiyadan APA-ya verilən məlumata görə, Ə. Həsənov 50 ildir ki, C.Cabbarlı adına "Azərbaycanfilm” kinostudiyasında fəaliyyət göstərir, aktyor kimi filmlərə çəkilir, eyni zamanda ikinci rejissor kimi filmlərin istehsalı ilə məşğul olur:
"Aktyor və rejissor Ənvər Həsənovun milli kino tariximizdə layiqli yerini tutmuş Muradı ("Uşaqlığın son gecəsi”), Cəlalı ("Yeddi oğul istərəm”), Şahbaz bəyi ("Dərviş Parisi partladır”) bugünkü gənclərimizin simvollarıdır. Bu obrazlara ekran həyatı verən aktyora həmin qəhrəmanlar tamaşaçı sevgisi və alqışı bəxş edirlər. Ənvər müəllimi 65 illik yubileyi münasibətilə təbrik edir, ona can sağlığı, kinomuzun inkişafı naminə gördüyünüz bütün işlərdə uğurlar diləyirik”.
Qeyd edək ki, Ə. Həsənov 1950-ci ildə Bakıda anadan olub. 1965-ci ildə Cəfər Cabbarlı adına "Azərbaycanfilm" kinostudiyasında Adil İsgəndərovun açdığı kino aktyoru kursuna daxil olub, 1969-cu ildə kinoaktyor kursunu bitirib. 1969-1973-cü illərdə M.A.Əliyev adına ADİİ-nun kino və dram aktyorluğu fakültəsində təhsil alıb. 1965-ci ildən "Azərbaycanfilm" kinostudiyasında çalışır.
Azərbaycan kino sənətinin inkişafındakı xidmətlərinə görə 2000-ci ildə Azərbaycanın əməkdar artisti fəxri adına layiq görülüb.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















