Avropa Aralıq Musiqi Akademiyası Bakıda konsert verəcək

Avropa Aralıq Musiqi Akademiyası Bakıda xeyriyyə konserti verəcək və usdad dərsləri keçəcək.
Bu barədə "Report"a Vasili Safonov adına Rusiya Akademik Dövlət Filarmoniyasının baş dirijoru Əyyub Quliyev məlumat verib.
O qeyd edib ki, dahi bəstəkar Üzeyir bəy Hacıbəylinin 130 illik yubileyi münasibətilə sentyabrın 18-dən 28-dək Bakıda Beynəlxalq Musiqi Festivalı keçiriləcək. Yubiley çərçivəsində sentyabrın 22-də Azərbaycan Dövlət Filarmoniyasında konsert olacaq. Konsertdə Ə.Quliyevin rəhbərliyi ilə simfonik əsərlər ifa ediləcək. Onun sözlərinə görə, Avropa Aralıq Musiqi Akademiyası yubiley tədbirində iştirak etmək üçün Azərbaycana səfər edəcək. Səfər Mədəniyyət və Turizm Nazirliyinin və Heydər Əliyev Fondunun təşəbbüsü və təşkilatçılığı ilə baş tutacaq.
Ə.Quliyevin sözlərinə görə, İtaliya, İspaniya və Suriyadan olan 3 musiqiçi Bakıya gələcək: "Onlar həmin akademiyanın üzvləridir. Hər üç solist Dövlət Filarmoniyanın səhnəsində Üzeyir bəyin və Azərbaycanın digər bəstəkarlarının klassik musiqi əsərlərini səsləndirəcəklər.".
Avropa Aralıq Musiqi Akademiyası münaqişə zonalarda, müharibə gedən regionlarda yaşayan istedadlı musiqiçilərə təmənnasız olaraq ustad dərsləri keçir və onların musiqi fəaliyyətlərinə yaxından kömək edir.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















