"Cəfər Cabbarlı mükafatı"nın təqdimatı olacaq

Təqdimat mərasiminin payızda keçirilməsi nəzərdə tutulub
Cəfər Cabbarlı adına Mədəniyyət, Elm və Təhsilin İnkişafına Yardım Birliyi bu ilin sonunadək Cəfər Cabbarlı mükafatının təqdimatını keçirəcək.
Bu barədə "Report"a C.Cabbarlının nəvəsi Qəmər Seyfəddinqızı məlumat verib. Onun sözlərinə görə, mükafatlandırma mərasimi bu ilin sonunadək baş tutacaq. Q.Seyfəddinqızı qeyd edib ki, Bakıda və Xızıda "Cəfər Cabbarlı günləri" də keçiriləcək: "Mükafatların təqdimetmə mərasiminə hazırlıq işlərinə başlamışıq. Hər il olduğu kimi, bu il də Cəfər Cabbarlı mükafatları mədəniyyət, elm və təhsil sahəsində fərqlənən, tanınmış, istedadlı şəxslərə təqdim ediləcək. İlin sonunadək "Cabbarlı günləri"ni də keçirməyi düşünürük. Bakıda və Xızıda təşkil ediləcək tədbirdə ədibin ailə üzvləri, doğmaları, sevənləri, ədəbiyyat və sənət nümayəndələri iştirak edəcək".
Xatırladaq ki, "Cəfər Cabbarlı mükafatı" 2001-ci ildə dramaturqun Ev-Muzeyinin layihəsi əsasında Cəfər Cabbarlı adına Mədəniyyət, Elm və Təhsilin İnkişafına Yardım İctimai Birliyinin və BP şirkətinin sponsorluğu ilə təsis edilib. İndiyədək bir çox elm, sənət adamları bu mükafata layiq görülüblər.
C.Cabbarlı adına Mükafat Komissiyasının sədri, böyük ədibin qızı Gülarə Cabbarlıdır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















