Azərbaycanın görkəmli kino xadimi ürəyindən əməliyyat edildi

Əməkdar incəsənət xadimi, Prezident təqaüdçüsü, görkəmli kinoşünas Aydın Kazımzadə ürəyindən əməliyyat olunub.
Bu barədə "Report"a Aydın Kazımzadənin özü məlumat verib. O, Mərkəzi Klinikada əməliyyat edildiyini bildirib: "Vəziyyətim yaxşı deyildi. Ürəyimin şah damarı şişmişdi. Gec əməliyyat olunsaydım, həyatımı itirə bilərdim. Əməliyyatım yaxşı keçdi. İndi ev şəraitində müalicəm davam edir. Nə yaxşı ki, Prezident təqaüdü alıram. Yoxsa bu əməliyyata gedə bilməzdim. Heç kimdən yardım görmədim. Ağır əməliyyat idi. Həkimlərin bir hissəsi Türkiyədən dəvət edilmişdi. Əməliyyat 21 min manata başa gəldi. 75 yaşım var. Ömrümün çox hissəsi kinoda keçib. Amma əməliyyat olunanda heç kim bir manat vermədi. Əməliyyat xərclərini özüm çəkdim".
Xatırladaq ki, Aydın Kazımzadə 1940-cı il yanvarın 15-də Bakı şəhərində anadan olub. 1958-1963-cü illərdə Azərbaycan Dövlət Universitetinin (indiki BDU) jurnalistika fakültəsində təhsil alıb. 1963-cü ildən isə kinematoqrafiya sahəsində çalışıb. 1985-ci ildə Moskvada ÜDKİ nəzdində reklam işi üzrə yaradıcı və rəhbər kinematoqrafiya işçilərinin ixtisasartırma kurslarını bitirib.
Milli kino tarixinin 1916-cı ildən deyil, məhz 1898-ci ildən başlanması faktının üzə çıxarılıb sübuta yetirilməsi və sabiq Prezident Heydər Əliyev tərəfindən sərəncamla hər il avqust ayının 2-nin Kino İşçiləri Günü elan etməsi Aydın Kazımzadənin adı ilə bağlıdır.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















