AMEA-nın Mərkəzi Elmi Kitabxanası oxucuların istifadəsinə verildi

Tədbir Akademiyanın 70 illiyinə həsr olunmuş yubiley tədbirləri çərçivəsində keçirilib
Bu gün AMEA-nın Mərkəzi Elmi Kitabxanası oxucuların istifadəsinə verilib.
"Report"un xəbərinə görə, bununla bağlı rəsmi açılış mərasimi keçirilib.
Akademiyanın 70 illiyinə həsr olunmuş yubiley tədbirləri çərçivəsində baş tutan tədbirdə AMEA-nın prezidenti, akademik Akif Əlizadə, AMEA-nın vitse-prezidentləri, xarici ölkələrin Azərbaycandakı səfirliklərinin nümayəndələri və digər rəsmi qonaqlar iştirak ediblər.
Mərasimdə Akademiyanın vitse-prezidenti İsa Həbibbəyli çıxış edərək kitabxananın yaradılması barədə tədbir iştirakçılarına məlumat verib: "Bura ən müasir texnologiya ilə təchiz olunan kitabxanadır. Elektron kataloqun yaradılması işləri artıq yekunlaşmaq üzrədir. Bu da oxucular üçün daha geniş imkanlar açmış olacaq".
Mərakeş Krallığının Azərbaycandakı səfiri Hassan Hami bildirib ki, elm, təhsil və mədəniyyət bir-birindən ayrılmaz hissələrdir: "Azərbaycan musiqisi isə çox zəngindir. İnsanı çox keçmişə aparır və sizin musiqi çox sehrlidir. Özüm də tədqiqatçı olduğumdan sizinlə daha çox əməkdaşlıq edəcəm".
Çıxışlardan sonra tədbir bədii hissə ilə davam etdirilib.
Tədbirin sonunda kitabxana fondları, kataloqlar, oxu zalları və işçi heyət ilə tanışlıq olub.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















