Azərbaycanlı uşaq Balatonda beynəlxalq festivalın qalibi oldu

Macarıstanın Balatonfüred şəhərində 4-8 iyul tarixlərində XV Balaton Beynəlxalq Gənclik İncəsənət Festivalı keçirilib.
Azərbaycanın Macarıstandakı səfirliyindən AzadlıqRadiosu-na verilən xəbərə görə, festivalda ölkəni təmsil edən Rəfail Cəfərov vokal ifaçılığı üzrə qızıl medala layiq görülüb.
Rəfail Cəfərov Tofiq Quliyev adına 12 saylı musiqi məktəbinin III sinif şagirdidir.
Xəbərdə deyilir ki, tədbir çərçivəsində vokal ifaçılıq, xoreoqrafiya, instrumental musiqi, akrobatika, aktyorluq, kinematoqrafiya, rəssamlıq, fotoqrafiya sahələri üzrə nominasiyalar nəzərdə tutulub.
Qaliblər Macarıstanın tanınmış incəsənət xadimlərindən ibarət münsiflər heyəti tərəfindən müəyyənləşdirilib və mükafatlandırılıb.
Bu qələbə Rəfail Cəfərovun yeganə uğuru deyil. O, iyunun 26-da San-Marino şəhərində gənclər arasında keçirilən incəsənət festivalında da qran-priyə layiq görülüb.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















