• $
  • €
  • ₽
  • ₺
  • £

Türkiyənin ABŞ qarşısında irəli sürəcəyi iki əsas ŞƏRT

Türkiyənin ABŞ qarşısında irəli sürəcəyi iki əsas ŞƏRT
29.05.2020 01:28
Türkiyə Suriyada İŞİD terror təşkilatının əsas mərkəzi olan Rakka şəhərini azad etmək üçün ABŞ qarşısında irəli sürəcəyi iki əsas şərt məlum olub.
 
APA-nın məlumatına görə, Türkiyənin "Yeni Şafak” qəzeti diplomatik mənbələrə istinadən yazıb ki, Qurban bayramından sonra Rakka əməliyyatı ilə bağlı ABŞ hərbi nümayəndə heyəti Ankaraya gələcək, planlaşdırılan əməliyyatın detalları müzakirə ediləcək.
 
Hazırda Türkiyə hökuməti və ordu rəhbərliyi Rakkanın sosial-mədəni quruluşunu, 2013-cü ildən sonra şəhərdə baş verən prosesləri, İŞİD-in bölgədə döyüş qabiliyyətini və Rakka əməliyyatından sonra ortaya çıxa biləcək bütün ssenariləri araşdırır. ABŞ nümayəndə heyətinin səfərinə qədər bu araşdırmalar yekunlaşdırılacaq və görüşdə Rakka əməliyyatının bütün aspektləri müzakirə olunacaq.
 
Türkiyənin Rakkanın azad edilməsində iştirak etməsi üçün ABŞ qarşısında irəli sürəcəyi iki əsas şərdən biri PKK terror təşkilatının Suriya qolu olan PYD-nin silahlı qanadı YPG-nin əməliyyata qatılmamasıdır. Türkiyə YPG-nin əsas rol oynadığı Suriya Demokratik Qüvvələrini də heç bir halda Rakkka əməliyyatında görmək istəmir.  Ankara Rakka əməliyyatının koalisiya qüvvələrinin ortaq əməliyyatı olaraq həyata keçirilməsini zəruri sayır. Türkiyənin ikinci şərti Münbiçlə bağlıdır. Türkiyə PYD və ona bağlı Suriya Demokratik Qüvvələrinin Münbiçdən çəkilməsini, Rakka əməliyyatı zamanı Münbiçin quru qüvvələrinin əsas bazası olmasını zəruri sayır. Bu halda Türkiyə ordusunun dəstəklədiyi müxalif Azad Suriya Ordusu Rakka əməliyyatında əsas rolu öz üzərinə götürəcək. Türkiyə bu iki şərtin yerinə yetiriləcəyi halda, Rakka əməliyyatı zamanı müxalif Azad Suriya Ordusuna tank və digər zirehli birləşmələrlə dəstək verməyə, o cümlədən Türkiyə ordusunun xüsusi təyinatlı bölmələrinin də  müxaliflərlə birgə quru əməliyyatında iştirak etməsinə hazırdır.
 
"Yeni Şafak’ qəzeti diplomatik mənbələrə istinadən onu da yazıb ki, Rakka əməliyyatı ilə bağlı Münbiç şərti keçən həftə ABŞ rəsmiləri ilə keçirilən ilk görüşdə də çatdırılıb və ABŞn bu şərtə soyuq yanaşmayıb. Ankara Rakka əməliyyatı zamanı PKK terror təşkilatından qaynaqlana biləcək hücumların qarşısının alınması üçün 5 yerdə koordinasiya mərkəzi yaratmağı da gündəmə gətirib. Türkiyə Rakka əməliyyatından sonra İŞİD-in İraqda nəzarət etdiyi Mosul şəhərinin azad edilməsi əməliyyatına başlanılmasını da istəyir.
 
Xatırladaq ki, G20 sammitindən sonra Türkiyə prezidenti Rəcəb Tayyib Ərdoğan jurnalistlərə açıqlamasında bildirmişdi ki, ABŞ prezidenti Barak Obama  Rakka əməliyyatında Türkiyə ilə birgə addımlar atmaq istəyir. R. T. Ərdoğan Türkiyə baxımından bu məsələdə hər hansı problem olmayacağını vurğulamışdı. Türkiyə prezidenti demişdi ki, iki ölkənin hərbçilərinin məsələni müzakirə etsin, hansı addımların atılması lazımdırsa, həmin addımlar atılsın.


www.ann.az
Telegram
Keçid et
Oxşar xəbərlər
Oxşar xəbərlər
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Azərbaycan və Vyetnam arasında bir sıra sənədlər mübadilə edilib
Siyasət 08:17
Azərbaycan və Vyetnam arasında bir sıra sənədlər mübadilə edilib
Anews TV

Rəsmi Youtube kanalımız

Abunə ol