• $
  • €
  • ₽
  • ₺
  • £

Fərəc Quliyev haqda prokurorluğa müraciət edildi – Həbs oluna bilər

Fərəc Quliyev haqda prokurorluğa müraciət edildi – Həbs oluna bilər
03.02.2020 12:33
Deputat Fərəc Quliyevdən Mərkəzi Seçki Komissiyasına (MSK) və Baş Prokurorluğa şikayət edilib. Şikayətçi 31 saylı Suraxanı ikinci seçki dairəsindən deputatlığa namizəd blogger Mehman Hüseynovdur.
 
Blogger Yenisabah.az-a bildirib ki, şikayətin səbəbi Fərəc Quliyevin ona namizədliyini geri götürmək üçün rüşvət təklif etməsidir. 

31 saylı Suraxanı ikinci seçki dairəsindən namizədliyini irəli sürən Fərəc Quliyev Mehman Hüseynovla görüşərək namizədliyini onun xeyrinə götürməsi üçün bloggerə şirnikləndirici təkliflər edib. Mehman Hüseynov deputatla olan danışığını ictimailəşdirib. 

Blogger hesab edir ki, bu faktdan sonra Fərəc Quliyevin namizədliyi ləğv edilməlidir. "Məsələ təkcə bununla bitmir. Fərəc Quliyev faktiki olara mənə rüşvət təklif edib. Əgər mənə təklif edibsə, deməli, dairə və məntəqə seçki komissiyalarının üzvlərinə də edə bilər. Bu baxımdan, mən yalnız Mərkəzi Seçki Komissiyasına şikayət etməklə kifayətlənməyərək Baş Prokurorluğa da müraciət etmişəm”, - deyə Mehman Hüseynov bildirib.

Bloggerin sözlərinə görə, 31 saylı Suraxanı ikinci seçki dairəsindən namizədliyini irəli sürən digər şəxslər də MSK-ya şikayət hazırlayır. 

Bəs, Fərəc Quliyevin namizədliyi ləğv edilə bilərmi?

Seçki mütəxəssisi Bəşir Süleymanlı Yenisabah.az-a deyib ki, əslində qeydə alınmış namizədin namizədliyinin ləğv olunması ilə bağlı bir neçə hüquqi prosedur olmalıdır: "Əvvəlcə namizədin yol verdiyi pozuntuda cinayət əməli varsa, bu barədə hüquq-mühafizə orqanları araşdırma aparmalıdır və məhkəməyə müraciət edilməldir. Bu halda Cinayət Məcəlləsinin 312-1.2 maddəyə görə "Şəxsə öz həqiqi və ya güman edilən təsir imkanlarından istifadə edərək vəzifəli şəxsin qərarına qanunsuz təsir etmək məqsədilə onun özü və ya üçüncü şəxslər üçün birbaşa və ya dolayı yolla, şəxsən və ya vasitəçidən istifadə etməklə maddi və sair nemətin, imtiyazın və ya güzəştin təklif olunması, vəd edilməsi və ya verilməsi— cinayət əməli hesab edilir və iki ildən beş ilədək müddətə azadlıqdan məhrum etmə ilə cəzalandırılır. Həmçinin 308-ci maddə "vəzifəli şəxs” dedikdə aşağıdakı şəxslər başa düşülür: -''dövlət orqanlarında seçkili vəzifələrə namizədliyi qanunla müəyyən edilən qaydada qeydə alınmış şəxslər'';

Mərkəzi Seçki Komissiyası da namizədin yol verdiyi pozutularla bağlı məhkəməyə müraciət edə bilər. Seçki Məcəlləsinin 113 və 114-cu maddəsi əsas verir ki, Mərkəzi Seçki Komissiyası bu halda müvafiq məhkəməyə və hüquq mühafizə orqanlarına müraciət etsin. Məcəlləyə görə yalnız məhkəmə qərarı qüvvəyə mindikdə namizədin qeydiyatı ləğv edilə və ya Məhkəmə bu Məcəllənin 113.2.3-cü maddəsində göstərilən pozuntuların olduğunu müəyyənləşdirərkən həmin pozuntuların seçicilərin iradəsini düzgün müəyyənləşdirməyə imkan vermədiyini hesab edərsə, seçkilərin (referendumun) yekunları haqqında müvafiq seçki komissiyasının qərarını ləğv edə bilər. Bu halda seçilmiş namizədin səlahiyyətləri itirilmiş hesab edilir”.

Konkret olaraq Fərəc Quliyevlə Mehman Hüseynovun məsələsinə gəlincə, Bəşir Süleymanlı bildirib ki, bununla bağlı həm hüquq mühaifzə orqanlarına, həm də MSK-ya şikayət edilə bilər. "Əgər fakt özünü doğrultsa və Fərəc Quliyevlə bağlı məhkəmənin qanuni qüvvəyə minmiş qərarı olsa, MSK həmin seçki dairəsinin nəticələrini etibarsız hesab etməlidir və orda təkrar seçki keçirilməlidir”, - deyə Bəşir Süleymanlı qeyd edib.


www.anews.az
Facebook
Keçid et
Oxşar xəbərlər
Oxşar xəbərlər
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Prezident gürcüstanlı həmkarına başsağlığı verib
Siyasət 08:30
Prezident gürcüstanlı həmkarına başsağlığı verib
Anews TV

Rəsmi Youtube kanalımız

Abunə ol