• $
  • €
  • ₽
  • ₺
  • £

“Siyasi partiyalar haqqında” qanun layihəsinə 45 dəyişiklik edilib

“Siyasi partiyalar haqqında” qanun layihəsinə 45 dəyişiklik edilib
23.11.2022 13:11
"Siyasi partiyalar haqqında” qanun layihəsinin 15 maddəsində 45 dəyişiklik edilib. Bu barədə  Milli Məclisin sədr müavini Fəzail İbrahimli məlumat verib. 

"Bu, son dəyişiklik deyil. Üç komitənin birgə iclası və parlamentdə iştirak edən siyasi partiya nümayəndələrinin dəvəti, onlardan alacağımız fikir və mülahizələr qanun layihəsinin sonrakı mərhələdə yenidən təkmilləşməsinə imkan  verəcək”, Milli Məclisin sədr müavini Fəzail İbrahimli "Siyasi partiyalar haqqında” qanun layihəsinin 3 parlament komitəsinin iclasında müzakirə zamanı deyib. 

REAL partiyasının üzvü Erkin Qədirli bu qanun layihəsinə səs verməyəcəyini bildirib. 

"Bu qanunun ayrı-ayrı müddəalarının müzakirəsi ilə vaxtınızı almaq istəmirəm. Sadəcə xahiş edirəm ki, protokolda yazılsın ki, bu layihəyə qarşıyam və plenar iclaslarda da əleyhinə səs verəcəm”, -  deputat söyləyib. 

Böyük Qurtuluş Partiyasının sədri Fazil Mustafa isə bu qanun layihəsinin rəqabət mühitini boğmağa yönəli olduğunu deyib.

"Azərbaycanda bir hakim partiya var, hər kəsə məlumdur. Amma bu gün digər siyasi partiyaların da əsas niyyəti iqtidarda olmaqdır. Gəlin görək hakimiyyətdə olmaq üçün digər partiyaların nə qədər şansı və imkanı var? Hakimiyyət siyasi partiyalardan qorxmamalıdır, yeni münbit şərait yaradılmalıdır. İqtidar maraqlı olmalıdır ki, siyasi partiyalar inkişaf etsin, rəqabət mühiti olsun”, - Fazil Mustafa deyib. 

Azərbaycan Demokratik İslahatlar Partiyasının sədri Asim Mollazadə "Siyasi partiyalar haqqında” qanun layihəsini Azərbaycanda yeni sistemin formalaşdırılmasına  və demokratik dövlət kimi güclənməsinə böyük töhfə adlandırıb.

"Müəyyən məqamlar var ki, hansısa qanun tərəfindən məhdudiyyət qoyulur, həm partiya yaradıcılarına, həm partiyada siyasi fəaliyyətlə məşğul olan şəxslərə… Məsələn, dini ekstremizmin və dini faktorun siyasətdən kənarlaşdırılması kimi. Bu, bir ehtiyacdır. Xarici dövlətin Azərbaycanın siyasi sisteminə hansısa Vardanyanların, Medvedçukların yol açmasına imkan verməmək zənnimcə, çox məntiqli və zəruridir”, -  Asim Mollazadə qeyd edib. 

Bununla yanaşı millət vəkili dövlətin partiya fəaliyyətinə müdaxiləsinə qarşı olduğunu da deyərək bildirib ki, " bütün məhdudiyyətlər ciddi şəkildə azaldılmalı və ya qanundan çıxarılmalıdır”.

"Siyasi partiyalar haqqında qanun" layihəsi Milli Məclisdə İctimai birliklər və dini qurumlar, Hüquq siyasəti və dövlət quruculuğu və İnsan hüquqları komitələrinin birgə iclasında  müzakirə olunub. 
 
 
N.Təbrizli

www.anews.az
Instagram
Keçid et
Oxşar xəbərlər
Oxşar xəbərlər
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Tezliklə Vyetnamın Azərbaycanda səfirliyi açılacaq
Siyasət 12:38
Tezliklə Vyetnamın Azərbaycanda səfirliyi açılacaq
Azərbaycan Tbilisidəki partlayışla bağlı Gürcüstana başsağlığı verib
Siyasət 21:55
Azərbaycan Tbilisidəki partlayışla bağlı Gürcüstana başsağlığı verib
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Siyasət 21:08
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Prezident İlham Əliyev Vyetnama rəsmi səfərə gəlib
Siyasət 17:13
Prezident İlham Əliyev Vyetnama rəsmi səfərə gəlib
İlham Əliyev Vyetnama səfər edəcək
Siyasət 14:19
İlham Əliyev Vyetnama səfər edəcək
"Azərbaycan Cənubi Qafqazda əsas logistika və energetika habıdır" - Prezident
Siyasət 13:59
"Azərbaycan Cənubi Qafqazda əsas logistika və energetika habıdır" - Prezident
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Siyasət 13:47
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Anews TV

Rəsmi Youtube kanalımız

Abunə ol