• $
  • €
  • ₽
  • ₺
  • £

İran ikinci edamını həyata keçirib

İran ikinci edamını həyata keçirib
12.12.2022 14:13
İran ölkəni bürüyən hökumət əleyhinə etirazlarla bağlı ikinci edamını həyata keçirdiyini bildirir.

Ədliyyə orqanları bildirib ki, Məcidreza Rəhnavard cümə axşamı səhər tezdən Məşhəd şəhərində "ictimaiyyət qarşısında" asılıb.

Məhkəmə, onun yarımhərbiləşdirilmiş Bəsic Müqavimət Qüvvələrinin iki üzvünü bıçaqlayaraq öldürdüyünü müəyyən etdikdən sonra onu "Allaha qarşı düşmənçilik" ittihamı ilə məhkum edib.

İnsan haqları qrupları etirazçıların heç bir qanuni proses olmadan saxta məhkəmələrdən sonra ölüm cəzasına məhkum edildiyi barədə xəbərdarlıq ediblər.

"Rəhnavard kobud ədalətsiz proses və şou məhkəməsindən sonra məcburi etiraflara əsaslanaraq edam cəzasına məhkum edilib. Bu cinayət İslam Respublikası üçün ciddi nəticələrlə qarşılanmalıdır", - Norveçdə yaşayan İran İnsan Haqlarının direktoru Mahmud Əmiri-Müqəddam Tvitter hesabında yazıb. 

"Minlərlə etirazçı saxlanılıb və onlarla ölüm hökmü artıq çıxarılıb. Etirazçıların kütləvi şəkildə edam edilməsi riski var", - o əlavə edib.

İğtişaşlarla bağlı ilk edam cümə axşamı baş verib və beynəlxalq qınaqlara səbəb olub.

23 yaşlı Möhsün Şəkəri paytaxt Tehranda Bəsic üzvünə pala ilə hücum etdiyi aşkarlandıqdan sonra "Allaha düşmənçilik"də təqsirli bilinib.

Bəsic İran hakimiyyəti tərəfindən müxalif fikirləri yatırmaq üçün tez-tez istifadə olunan sadiq könüllü qüvvədir.

İranın ruhani idarəsinə qarşı qadınların başçılıq etdiyi etirazlara səbəb hicabını  "nalayiq şəkildə” taxdığı iddiası ilə sentyabrın 13-də əxlaq polisi tərəfindən saxlanılan 22 yaşlı Məhsa Əmininin həbsdə ölməsi olub.

Onlar 31 vilayətin hamısından 161 şəhərə yayılıb və 1979-cu il inqilabından sonra İslam Respublikası üçün ən ciddi problemlərdən biri kimi qiymətləndirilir.

İran liderləri etirazları ölkənin xarici düşmənləri tərəfindən qızışdırılan "iğtişaşlar” kimi qələmə verir.  Bununla belə, etirazçıların böyük əksəriyyəti silahsız və dinc şəkildə olub.

İnsan Hüquq Müdafiəçiləri Xəbər Agentliyinin (HRANA) məlumatına görə, indiyədək ən azı 488 etirazçı təhlükəsizlik qüvvələri tərəfindən öldürülüb, 18 259 nəfər isə saxlanılıb.  Agentlik, həmçinin 62 təhlükəsizlik əməkdaşının öldüyünü bildirib
 
Lida Abbaslı 

www.anews.az
Facebook
Keçid et
Oxşar xəbərlər
Oxşar xəbərlər
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Tezliklə Vyetnamın Azərbaycanda səfirliyi açılacaq
Siyasət 12:38
Tezliklə Vyetnamın Azərbaycanda səfirliyi açılacaq
Azərbaycan Tbilisidəki partlayışla bağlı Gürcüstana başsağlığı verib
Siyasət 21:55
Azərbaycan Tbilisidəki partlayışla bağlı Gürcüstana başsağlığı verib
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Siyasət 21:08
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Prezident İlham Əliyev Vyetnama rəsmi səfərə gəlib
Siyasət 17:13
Prezident İlham Əliyev Vyetnama rəsmi səfərə gəlib
İlham Əliyev Vyetnama səfər edəcək
Siyasət 14:19
İlham Əliyev Vyetnama səfər edəcək
"Azərbaycan Cənubi Qafqazda əsas logistika və energetika habıdır" - Prezident
Siyasət 13:59
"Azərbaycan Cənubi Qafqazda əsas logistika və energetika habıdır" - Prezident
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Siyasət 13:47
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Anews TV

Rəsmi Youtube kanalımız

Abunə ol