• $
  • €
  • ₽
  • ₺
  • £

Erməni səfirin Zəngəzur dəhlizi ilə bağlı çıxışına Azərbaycandan CAVAB

Erməni səfirin Zəngəzur dəhlizi ilə bağlı çıxışına Azərbaycandan CAVAB
14.12.2022 17:32
Ermənistan üçüncü dövlətlərin öz ərazisindən Zəngəzur dəhlizinin çəkilməsi üçün istifadə etməsinə icazə verməyəcək. Bu barədə Ermənistanın İrandakı səfiri Arsen Avaqyan Tasnim agentliyinə müsahibəsində bildirib.
 

"İrəvan və Bakı qondarma "Zəngəzur dəhlizi” ilə bağlı heç bir sənəd imzalamayıb və müvafiq olaraq Ermənistanın bu məsələdə heç bir öhdəliyi yoxdur" - o vurğulayıb. 
 
Deputat Elman Nəsirov məsələni şərh edərkən  bildirib ki, Ermənistan Zəngəzur dəhlizinin adını çəkməsə də, Ermənistanla Azərbaycan arasında kommunikasiyanın bərpası ilə bağlı addımların atılması ideyasını qəbul edib.

"Ermənistan tərəfindən Zəngəzur dəhlizinin iqtisadi, texniki əsaslandırma işlərinə belə başlanılmayıb. İrandakı səfir isə üçüncü dövlətin yolu çəkməsindən danışır. Axı Ermənistan yolun çəkilməsi ilə bağlı öhdəlikləri yerinə yetirməyib. Bu səbəbdən də, belə bəyanatların heç bir real əsası yoxdur. Azərbaycan tərəfi yolu özü çəkir, burada üçüncü dövlət iştirak etmir və yolun qalan hissəsinin də Ermənistan tərindən çəkilməsini gözləyir”, - deputat deyib.
 
Elman Nəsirov hesab edir ki,  yolun istifadəsi məsələsi  blokadada olan Ermənistan üçün daha vacibdir.

"İrandakı səfirin bəyanatları isə Zəngəzur dəhlizinin işə salınması prosesini ləngitməq məqsədi daşıyır”, - deputat bildirib.
 
Elman Nəsirov qeyd edib ki, Zəngəzur dəhlizinin çəkilməsində Azərbaycanın hüquqi əsasının olmaması fikri yanlışdır.

"10 noyabr bəyanatının 9-cu bəndi məhz Ermənistan və Azərbaycanın nəqliyyat və kommunikasiya məsələri ilə bağlıdır. Rusiya, Azərbaycan və Ermənistan rəhbərləri Naxçıvanla kommunikasiyaların bərpası məsələsini öz imzaları ilə təsdiq ediblər. Naxçıvan Azərbaycan ərazisidir və ora ilə kommunikasiya da ancaq Ermənistan ərazisindən keçməklə mümkündür ki, bu da 10 noyabr bəyanatında öz əksini tapıb”, - deputat deyib.
 
Politoloq Tural İsmayılov hesab edir ki, hazırda İran Ermənistandan forpos kimi istifadə etməyə çalışır. Eyni zamanda Azərbaycan və Türkiyə əleyhinə İran faktorunu qızışdırıcı faktor kimi istifadə edir.

"Bu cəhdlər Azərbaycan tərəfindən əsla qəbul edilən deyil. Zəngəzur dəhlizi ilə bağlı Azərbaycan və Türkiyənin ortada mövqeyi var. İranın qərarı burada heç bir perspektiv vəd etmir. Ümumiyyətlə, İranın Zəngəzur dəhlizi məsələsinə qarışmağa hüquqi əsası yoxdur və sadəcə prosesi sabotaj etməyə çalışır”, - politoloq bildirib.

 Tural İsmayılov deyir ki, Zəngəzur dəhlizi böyük bir layihədir və bu İranın maraqlarını qətiyyən təhdid etmir.
 
"Üçüncü dövlət deyərkən də İran açıq şəkildə Azərbaycan və Türkiyəni şantaj etməyə çalışır”, - politoloq bildirib.
 

Dekabrın 14-də prezident İlham Əliyev "Qlobal dünya nizamına təhdidlər” mövzusunda IX Qlobal Bakı Forumunun açılışında çıxışı zamanı Zəngəzur dəhlizinin 2024-cü ildə tamamlanacağını deyib.


Oktyabrın 20-də isə Türkiyə prezidenti Rəcəb Tayyib Ərdoğan isə Azərbaycana səfərində Zəngəzur dəhlizi ilə bağlı bəzi çevrələrin qorxu və narahatlığına ehtiyac olmadığını bildirib.
 

Lida Abbaslı

www.anews.az
Youtube
Keçid et
Oxşar xəbərlər
Oxşar xəbərlər
İŞİD-in Xorasan qruplaşmasına qoşulan azərbaycanlılar həbs edildi
Siyasət 19:30
İŞİD-in Xorasan qruplaşmasına qoşulan azərbaycanlılar həbs edildi
Baş nazir Əli Əsədov İrakli Kobaxidzeyə başsağlığı verib
Siyasət 14:24
Baş nazir Əli Əsədov İrakli Kobaxidzeyə başsağlığı verib
Tezliklə Vyetnamın Azərbaycanda səfirliyi açılacaq
Siyasət 12:38
Tezliklə Vyetnamın Azərbaycanda səfirliyi açılacaq
Azərbaycan Tbilisidəki partlayışla bağlı Gürcüstana başsağlığı verib
Siyasət 21:55
Azərbaycan Tbilisidəki partlayışla bağlı Gürcüstana başsağlığı verib
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Siyasət 21:08
Prezidentin sosial media hesablarında Vyetnama rəsmi səfəri ilə bağlı videoçarx paylaşılıb
Prezident İlham Əliyev Vyetnama rəsmi səfərə gəlib
Siyasət 17:13
Prezident İlham Əliyev Vyetnama rəsmi səfərə gəlib
İlham Əliyev Vyetnama səfər edəcək
Siyasət 14:19
İlham Əliyev Vyetnama səfər edəcək
"Azərbaycan Cənubi Qafqazda əsas logistika və energetika habıdır" - Prezident
Siyasət 13:59
"Azərbaycan Cənubi Qafqazda əsas logistika və energetika habıdır" - Prezident
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Siyasət 13:47
İlham Əliyev: Azərbaycan-Vyetnam iqtisadi-ticari əlaqələri ardıcıl şəkildə inkişaf edir
Anews TV

Rəsmi Youtube kanalımız

Abunə ol