Gürcü futbolçu dostları ilə piknikə getdi və öldü

Gürcüstanda 19 yaşlı futbolçu Georgi Şakaraşvili dostları ilə görüşdükdən sonra ölüb.

Lenta.ru-nun məlumatına görə, bu barədə Gürcüstan Fövqəladə Hallar Nazirliyinin "Facebook” səhifəsində bildirilib.

Məlumata görə, iyunun 19-da Şakaraşvili dostları ilə birlikdə Mtsxeta şəhərindən kənara piknikə gedib və itkin düşüb. İdmançının valideynləri polisə müraciət edib, bundan sonra axtarış əməliyyatlarına başlanılıb.

Dörd gündən sonra futbolçunun cəsədi aşkarlanıb.