• $
  • €
  • ₽
  • ₺
  • £

Tanınmışlar “Qarabağ”ın bugünkü oyununa proqnoz verdilər

Tanınmışlar “Qarabağ”ın bugünkü oyununa proqnoz verdilər
06.11.2014 14:50

“Qarabağ” Avropa Liqasının qrup mərhələsinin 4-cü turunda bu gün Bakıda Ukraynanın “Dnepr” komandası ilə oynayacaq.

İki həftə öncə Kiyevdə keçirilən oyun ərəfəsi tanınmış futbol mütəxəssisləri və jurnalistlər “Qarabağ”ın şanslarını dəyərləndirərkən ümidverici proqnoz verirdilər. Həmin görüş Azərbaycan klubunun 1:0 hesabı ilə qələbəsi ilə başa çatdı. 

“Qarabağ” bu gün azarkeşləri qarşısında oynayır və bu görüşdə qalib gələcəyi təqdirdə növbəti mərhələyə çıxmaq üçün önəmli bir addım atılacaq. ANN.Az  Modern.az-a istinadən məlumat verib ki,  futbol mütəxəssisləri və jurnalistlər bugünkü oyunla bağlı proqnoz veriblər.

Azərbaycanın təcrübəli futbol mütəxəssisi Ağasəlim Mircavadov deyib ki, indiki halda “Qarabağ”a 3 xal çox mütləq lazımdır: “Azərbaycan çempionatının son oyunlarında “Qarabağ” yüngül oyun göstərirdi. Amma Kiyevdəki oyunu yaxşı idi. Bu, nadir hallarda olur. “Dnepr”  güclü komandadır. Amma “Qarabağ” qalib gəldi. Ona görə indi psixoloji üstünlük “Qarabağ”ın tərəfindədir. “Qarabağ” Kiyevdəki oyununu burada davam etdirməlidir.  O oyundakı taktikalar, manevrlər burada da həyata keçirilməlidir”. 

Mircavadovun fikrincə, Bakıda oynadığı üçün komanda hücuma meylli futbol oynamalıdır: “Futbolçular meydançanın hər yerində bir-birinə yaxın məsafədə oynamalıdırlar ki, rəqibin əks hücuma keçməyə imkanı  olmasın. Mən “Qarabağ”dan yaxşı oyun gözləyirəm. Proqnoz verməyi xoşlamıram”.

“525-ci qəzet”in baş redaktoru Rəşad Məcid Kiyevdəki oyundan sonra bildirirdi ki, Bakıdakı görüş heç-heçə başa çatacaq. Bu gün də həmin fikirdə dayandığını deyən Rəşad Məcid “Qarabağ”ın azarkeşlərini komandaya dəstək verməyə səsləyib: 

“Qarabağ”ın qələbə çalmasını arzu edirəm. İmkan olsa özüm də oyunu izləməyə gedəcəyəm. Azarkeşlərin dəstəyi olmalıdır ki, komandamız qalib gəlsin”.

Tanınmış məşqçi Vaqif Sadıqovun fikrincə,  Bakıda Kiyevdəki uğurun davamı mütləq olacaq: ““Qarabağ” yeni bir səhifə yazmalıdır. “Qarabağ” bizim qürurumuzdur. Ona görə, komandanın yaxşı oynayıb, bizin qane edən nəticə əldə edəcəyinə inanıram”.

“Qol.az” saytının redaktoru Aydın Bağırov deyir ki, bu komandaların ilk oyununda “Qarabağ”ın qələbə qazanacağına inanmırdı: “O qələbə gözlənilməz olsa da,  gün “Qarabağ”dan qələbə gözləyənlər çoxdur. Mənə elə gəlir ki, arxayınlaşmaq olmaz. Bu oyun hər iki komanda üçün  Kiyevdəkindən on qat ağır olacaq”.

Onun sözlərinə görə, “Qarabağ”ın oyunçuları oyunun məsuliyyətini yaxşı anlayır, rəqibə hörmətlə yanaşırlar: 

“Bu ciddilik komandaya uğur gətirəcək. “Qarabağ”ın bir üstünlüyü var, futbol qaydalarına uyğun olaraq oyuna 11 yox, 12 oyunçu ilə qatılacaq. Amma “Qarabağ”  bu gün xal da itirə bilər. Məncə, oyun heç-heçə qurtaracaq”.

21:00. "Qarabağ" (Azərbaycan) - "Dnepr" (Ukrayna)

Hakimlər: Pavel Gil, Pyotr Sadçuk, Marçin Borkovski və Konrad Sapela (hamısı Polşadandır) 

Bakı. Tofiq Bəhramov adına Respublika stadionu.

ANN.Az

Telegram
Keçid et
Oxşar xəbərlər
Oxşar xəbərlər
“Sabah” – “Barselona” matçına 74 ölkədən azarkeş bilet alıb
İdman 19:58
“Sabah” – “Barselona” matçına 74 ölkədən azarkeş bilet alıb
“Neftçi” FIBA Avropa Kubokunda “Riqa”ya 55:96 hesabı ilə uduzub
İdman 23:39
“Neftçi” FIBA Avropa Kubokunda “Riqa”ya 55:96 hesabı ilə uduzub
Azərbaycanın U-20 millisi İraqla heç-heçə edib
İdman 21:23
Azərbaycanın U-20 millisi İraqla heç-heçə edib
“Kəpəz” – “Qarabağ” oyununun biletlərinə bir gündə 8400 satış qeydə alınıb
İdman 15:11
“Kəpəz” – “Qarabağ” oyununun biletlərinə bir gündə 8400 satış qeydə alınıb
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
Anews TV

Rəsmi Youtube kanalımız

Abunə ol