• $
  • €
  • ₽
  • ₺
  • £

Fransa 1/4 finalda

Fransa 1/4 finalda
30.06.2014 23:45

Braziliyada keçirilən dünya çempionatında 1/4 final mərhələsinin daha bir iştirakçısının adına aydınlıq gəlib. Apasport.az saytının məlumatına görə, bu, “ölüm qrupu”nu lider kimi tamamlamış Kosta-Rika millisi olub.

 

Kosta-Rika millisi qrupunda son dəqiqələrdə vurduğu qolla adını pley-offa yazdırmış Yunanıstanla üz-üzə gəlib. İtaliya, Uruqvay kimi dünya çempionlarını məğlub etmiş, İngiltərəyə yenilməmiş Mərkəzi Amerika təmsilçisinin yunanlara asan qalib gələcəyi gözlənilsə də, belə olmayıb.

 

2004-cü ilin Avropa çempionları əvvəlcə ikinci yarının əvvəllərində Vaqif Cavadovun “Tvente”də komanda yoldaşı olmuş Brayan Ruisin qolu ilə hesabda geri düşüblər. Dortmund “Borussiya”sının müdafiəçisi Sokratis Papastatopulos əlavə olunmuş dəqiqələrdə fərqlənməklə görüşün daha 30 dəqiqə artıq oynanılmasına səbəb olub.

 

Ancaq bu dəqiqələrdə də qol vurulmayınca, penaltilər seriyasına müraciət edilib. Burda sonradan “Man of the match” sayılan “Levante”nin qapıçısı Keylor Navasın ustalığı Ellada təmsilçisinin məğlub olmasına gətirib çıxarıb. Beləliklə, 1/4 finalda Hollandiyanın rəqibi Kosta-Rika olub.

 

Gözəl oyunu ilə dünya çempionatının gizli favoriti qismində görülən Fransa isə bu gün Nigeriya ilə görüşüb. Bu komandalar tarixi ərzində cəmi 1 dəfə üz-üzə gəlib. Maraqlıdır ki, həmin matçda afrikalılar 1:0 hesabı ilə rəqibindən üstün olub.

 

Əslində Bosniya və Herseqovina kimi ulduzları olan komandanı qrupda saxlayan, Argentina ilə başa-baş oynayan Nigeriyadan Fransa qarşısında da sürpriz gözləməyə dəyərdi. Nigeriyalılar birinci hissədə aktiv və hətta adlı-sanlı rəqibdən bir qədər də üstün olublar. Amma Afrika təmsilçilri bu tempi sona qədər qoruya bilməyərək, ikinci hissədə üstünlüyü əldən veriblər. Nəticədə, Fransa 2 qol vuraraq, 1/4 finala keçib. 

 

30 iyun

 

Kosta-Rika – Yunanıstan 1:1 (penaltilər – 5:3)

Qollar: Ruis, 52 – Sokratis, 90+1

Qırmızı vərəqə: Duarte, 66 (ikinci sarı)

Hakim: Bencamin Uilyams (Avstraliya)

Resifi. “Arena Pernambuko”

Kosta-Rika: 1. Navas, 3. Qonsales, 4. Umanya, 5. Borqes, 6. Duarte, 7. Bolanyos (14. Brenes, 83), 9. Kempbell, 10. Ruis (k), 15. Dias, 16. Qamboa (2. Akosta, 77), 17. Texeda (22. Kubero, 66)

Yunanıstan: 1. Karnezis, 2. Maniatis (21. Katsuranis, 78), 4. Manolas, 7. Samaras, 10. Karaqunis (k), 14. Salpinqidis (17. Qekas, 69), 15. Torosidis, 16. Lazaros, 19. Sokratis, 20. Xolevas, 22. Samaris (9. Mitroğlu, 58)

 

 

Fransa – Nigeriya - 2:0

Qollar: Poqba, 79; Yobo (avtoqol), 90+

Hakim: Mark Qeyqer (ABŞ)

Braziliya. “Nasional” stadionu

Fransa: Lloris, Debuşi, Evra, Varan, Cabaye, Valbuena, Jiru. Benzema, Matuidi, Poqba, Keşelni

Nigeriya: Enyema, Yobo, Ambrose, Musa, Odemvinge, Emenike, Mikel, Moses, Oşaniva, Onazi, Omeruo 

ANN.Az

Youtube
Keçid et
Oxşar xəbərlər
Oxşar xəbərlər
“Sabah” – “Barselona” matçına 74 ölkədən azarkeş bilet alıb
İdman 19:58
“Sabah” – “Barselona” matçına 74 ölkədən azarkeş bilet alıb
“Neftçi” FIBA Avropa Kubokunda “Riqa”ya 55:96 hesabı ilə uduzub
İdman 23:39
“Neftçi” FIBA Avropa Kubokunda “Riqa”ya 55:96 hesabı ilə uduzub
Azərbaycanın U-20 millisi İraqla heç-heçə edib
İdman 21:23
Azərbaycanın U-20 millisi İraqla heç-heçə edib
“Kəpəz” – “Qarabağ” oyununun biletlərinə bir gündə 8400 satış qeydə alınıb
İdman 15:11
“Kəpəz” – “Qarabağ” oyununun biletlərinə bir gündə 8400 satış qeydə alınıb
UEFA Filipp Diallonu FİFA prezidentliyinə namizəd göstərib
İdman 21:59
UEFA Filipp Diallonu FİFA prezidentliyinə namizəd göstərib
"Neftçi" və "Qarabağ"ın oyunlarının vaxtı bəlli olub
İdman 13:18
"Neftçi" və "Qarabağ"ın oyunlarının vaxtı bəlli olub
Azərbaycan futzal millisi Latviyaya 1:5 hesabı ilə uduzub
İdman 22:00
Azərbaycan futzal millisi Latviyaya 1:5 hesabı ilə uduzub
“Sabah” Norveçdə “Vikinq”ə məğlub olub - yenilənib
İdman 01:58
“Sabah” Norveçdə “Vikinq”ə məğlub olub - yenilənib
Hidayət Heydərov Əbu-Dabidə bürünc medal qazanıb
İdman 20:19
Hidayət Heydərov Əbu-Dabidə bürünc medal qazanıb
Anews TV

Rəsmi Youtube kanalımız

Abunə ol